Mone tanne dire ene banne dimoune fine faire namaz janaza de ene mayyat ki so lecorp pas ti present. Li okay sa?

Answer

An-Najaashi ti mort dans Abyssinie. C’est ene l’endroit ki assez loin de Madinah. Mais Allah Ta’ala fine informe Nabi (Sallallaahou A'laihi Wasallam) de so la mort. Nabi (Sallallaahou A'laihi Wasallam) fine réuni banne Sahaba-e-Kiraam et fine faire so namaz janaza. C’était ene miracle de Nabi (Sallallaahou A'laihi Wasallam).

ﺍﻥ ﺍﻟﻨﺒﻰ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻗﺎﻝ ﺍﻥ ﺍﺧﺎﻛﻢ ﺍﻟﻨﺠﺎﺷﻰ ﺭﺿﻰ ﺍﻟﻠﻪ ﻋﻨﻪ ﺗﻮﻓﻰ ﻓﻘﻮﻣﻮﺍ ﻭﺻﻠﻮﺍ ﻋﻠﻴﻪ ﻓﻘﺎﻡ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻭﺻﻔﻮﺍ ﺧﻠﻔﻪ ﻓﻜﺒﺮ ﺍﺭﺑﻌﺎ ﻭﻫﻢ ﻻ ﻳﻈﻨﻮﻥ ﺍﻻ ﺍﻥ ﺟﻨﺎﺯﺗﻪ ﺑﻴﻦ ﻳﺪﻳﻪ ‏( ﺍﺑﻦ ﺣﺒﺎﻥ ‏)

Traduction :

Nabi (Sallallaahou A'laihi Wasallam) fine adresse banne Sahaba-e-Kiraam et fine dire zotte « Zotte frère An-Najashi (Radiyallahou anhou) fine mort, alors diboute et faire so namaz janaza. Donc Rassouloullah (Sallallaahou A'laihi Wasallam) fine diboute et banne Sahaba-e-Kiraam fine diboute dans saff derrière li. Alors li fine faire 4 takbeer (dans namaz janaza). (Dans ça l’heure-là) Banne Sahaba-e-Kiraam pas ti pense narien apart ça pensée ki so janaza li devant li (Nabi (Sallallaahou A'laihi Wasallam)) (c'est-à-dire tou zotte pensée ki so janaza ti divant Nabi (Sallallaahou A'laihi Wasallam)). (Ibn Hibbaan)

Ene groupe de ‘Oulamas fine servi ça anecdote-là pou dire ki li permette faire namaz janaza pou ene mayyit ki pas présent. Ene l’autre groupe dire ki ça li pas permette.

D’après ça deuxième groupe-là, c’était ene privilège ki Nabi (Sallallaahou A'laihi Wasallam) ti gagné. Li pas applique pou lezot apart Nabi (Sallallaahou A'laihi Wasallam). D’après zotte, mayyit bizin présent pou capave faire so namaz janaza.

Ça deuxième l’opinion-là paraite pli plausible du fait ki Nabi (Sallallaahou A'laihi Wasallam) pas ti ena l’habitude faire li et effectivement li pas fine faire ça pou lezot Sahaba-e-Kiraam ki fine mort ailleurs. Si ça ti permette, li pas ti pou prive zotte de ça chance-là. Et surtout quand nou conné selon Nabi (Sallallaahou A'laihi Wasallam) même so déclaration ki trouve dans Sahih Mouslim, so namaz janaza li amene l’éclairage dans qabar :

ﺍﻥ ﻫﺬﻩ ﺍﻟﻘﺒﻮﺭ ﻣﻤﻠﻮﺓ ﻇﻠﻤﺔ ﻋﻠﻰ ﺍﻫﻠﻴﻬﺎ ﻭﺍﻥ ﺍﻟﻠﻪ ﻳﻨﻮﺭﻫﺎ ﻟﻬﻢ ﺑﺼﻼﺗﻰ ﻋﻠﻴﻬﻢ

«Certainement ça banne Qabar-là zotte rempli de noireté pou banne ki là-dans. Allah Ta’ala li éclair ça par namaz janaza ki mo faire pou zotte. »

Le fait ki namaz janaza pas existé pou ene mayyit ki pas présent, li prouvé par l’anecdote de Hazrat Mou’awiyah Bin Mou’awiyah (Radiyallahou anhou) aussi. Selon ça anecdote-là, quand Hazrat Mou’awiyah Bin Mou’awiyah (Radiyallahou anhou) fine faire wafaat, Hazrat Jibreel (Alaihis Salaam) fine présenté divant Nabi (Sallallaahou A'laihi Wasallam) et fine dire :

ﻣﺎﺕ ﻣﻌﺎﻭﻳﺔ ﺑﻦ ﻣﻌﺎﻭﻳﺔ ﺍﻟﻤﺰﻧﻰ ﺍﺗﺤﺐ ﺍﻥ ﺗﺼﻠﻰ ﻋﻠﻴﻪ؟

« Hazrat Mou’awiyah Bin Mou’awiyah (Radiyallahou anhou) fine mort. Eski ou ti à content faire so namaz janaza ?»

Quand Nabi (Sallallaahou A'laihi Wasallam) fine exprime so désir pou faire so namaz janaza, Hazrat Jibreel (Alaihis Salaam) fine batte so les ailes. Après ca, tout banne collines et banne zarbre ki ti ena au milieu zotte fine disparaite. Hazrat Mou’awiyah (Radiyallahou anhou) so janaza fine vine dans ene hauteur ki Nabi
(Sallallaahou A'laihi Wasallam) fine commence trouve li. Lerla Nabi (Sallallaahou A'laihi Wasallam) fine faire so namaz janaza.

D’après ça anecdote-là, li paraite ki li pas ti dans l’habitude de Nabi (Sallallaahou A'laihi Wasallam) pou faire kikene so namaz janaza ki pas présent. Sinon Hazrat Jibreel (Alaihis Salaam) pas ti bizin dimane li si eski li oulé faire so namaz janaza. Coumsa même si namaz janaza pou ene mayyit ki pas présent ti existé, Hazrat Jibreel (Alaihis Salaam) pas ti bizin batte so les ailes pou faire tous banne barrières et banne obstacles disparaite ki empêche trouve ça janaza-là. Mais couma nou trouvé c’était par miracle ki Hazrat Mou’awiyah Bin Mou’awiyah (Radiyallahou anhou) so janaza fine paraite divant Nabi (Sallallaahou A'laihi Wasallam) afin ki Nabi
(Sallallaahou A'laihi Wasallam) capave faire so namaz janaza malgré ki li ti bien loin avec Nabi (Sallallaahou A'laihi Wasallam).

Selon ceki Tabraani fine rapporté, Hazrat Mou’awiyah Bin Mou’awiyah (Radiyallahou anhou) ti gagne ça l’honneur-là acoze ça l’attachement ki li ti ena pou le sourah Al-Ikhlaas.

Donc si Nabi (Sallallaahou A'laihi Wasallam) ti faire namaz janaza pou An-Najashi et Hazrat Mou’awiyah Bin Mou’awiyah (Radiyallahou anhou), c’est acoze ki par miracle zotte janaaza fine paraite et visible pou Nabi (Sallallaahou A'laihi Wasallam) c’est ene principe ki pas capave être généralisé pou tous banne janaaza ki pas présent.