Kifer beaucoup bane Imam pa fer prg pa fer sunnah pa fer activiter... zot juste fer namaz fardz zot aller...

Answer

Akoze sa même tous le temps Ulama faire requête avec banne dimoune pareil couma zotte, avec ene bon IQ ki alle appranne Aalim dans madrassah au lieu alle servi zotte l'intelligence dans banne université.

Normalement la société li malade et majoritairement zenfant ki alle dans darul uloom c'est banne zenfant ki moin performant. Nous bizin remercié banne Ulama e Kiraam ki sa banne moin performant la même ki fine faire zotte vine Hafiz, Aalim, ki pe occupe nous namaz dans masjid, nous zenfant dans madrassah, faire nous nikaah et donne ghussal et faire namaz janazah.

De l'autre coté banne 5 A+ nous conné cote zotte allé. Rarement ou pou trouve ene personne ki fine sorti lauréat ki fine choisir pou vine ene Aalim. Faire demarche pou nous gagne sa banne qualité dimoune la.

Li vrai ki nous bizin reforme sa banne Ulama ki pas asser actif dans zotte travail, mais pou vine dire ki JUM fine donne sa directive la li pareil couma banne oxydant mette tous saki musulman pe faire lor la tête Islam, pou pas dire Nabi (s.a.w). Akoze sa nous conseil ou pou retire sa remarque " Eski JUM ine donne ene directive dan sa fason la".