Qui sanla Muhammad Ibn Abdil Wahhaab ? Est ce qui ou d'accord avec li ? Est ce qui li ti ene Khawaarij?

Answer

Wa alaikumus salaam

Sheikh Abdul Wahhaab li ti ene grand Aalim. Nous ena grand respect pour li.

Sa travail ki li fine faire dans ene l'epoque ki ti ena boucou bid'aat li ene grand travail.

Li vrai ki dans leve contre bid'ah parfois arrivé ki sunnat aussi fine affecté. Li pareil couma quand ou pe craze ene batiment ki pas bon ena ene parti bon aussi ki affecté par sa.

Mais en meme temps nous ena nous reserve. Ena banne kitsoz ki nous pas d'accord avec li.

Li bon conné ki li pas ti ene khawaarij, mais li ti pe suivre mazhab de Imam Ahmad Bin Hambal (Rahimahullah)

Quant a banne l'opinion ki paraite controversable de la part de nous banne Ulama concernant Sheikh Muhammad bin Abdil Wahhaab li capave ene controverse ki limité a sa l'époque la. Li pareil couma Ml Ashraf Ali Thanwi (rahmatullahi alaih) pas ti ena ene l'opinion favorable a l'égard de Nadwatul Ulama , mais actuellement nous conné ceki Nadwatul Ulama été.

Et sa aussi possible ki banne Ulama fine donne zotte verdict par rapport a ceki zotte conné concernant sa Aalim la.

Nous préfère dire li saki nous fine dire ziska preuve du contraire. D'ailleurs Allaama Shami pas fine critique li mais li fine critique seulement so banne folowwers. Toujours nous continué nous recherche.