Mo ti envi coner combien faraz,wajib et sunnat ena dan namaaz

Answer

Wa alaikumus salaam

Li bon si ou refere ou a banne livret lor fiqh couma Ta'leemul Haq pou comprend li pli bien. Sinon ici nous pe mentionne li en bref.

ENA 6 FARZ DANS NAMAZ

1. Takbeer Tahreema.
2. Qiyaam.
3. Qiraa-ah (récitation Qour’aan).
4. Rukoo.
5. Tous les deux Sajdahs.
6. Dernier Qa’dah.

ENA 14 WAAJIBAAT DANS NAMAZ ( D'APRES CERTAIN JURISTE)

Waajib li passe près avec farz. Li nécessaire pou accomplir ène waajib parceki si fine arivé oublié ène waajib dans namaz, alors bizin faire Sajdah Sahou et si pas faire Sajdah Sahou namaz pas pou valid et pou bizin refaire namaz-là.

1. Fixé Qira’ah dans deux premier rakaats de ène namaz ki farz.
2. Lire surah Faatihah dans chaque rakaat de tou banne namaz. Par contre, dans 3ème et 4ème rakaat de ène namaz ki farz, li sounnat et pas waajib.
3. Lire ène l’autre chapitre du Qour’aan Shareef (ène surah ou 3 petits aayaats) après surah Faatihah dans deux premiers rakaats de ène namaz ki farz et dans tou rakaat de ène namaz ki waajib, sounnat ou bien nafil.
4. Lire surah Faatihah avant et ène l’autre surah après.
5. Observe l’ordre ki fine établir dans namaz.
6. Qawmah.
7. Jalsah.
8. Faire chque position posément.
9. Qa’dah Oola – c.a.d. assize dans premier Qa’dah (ène periode ki nou capave lire At Tahiyyaat) après chaque deux premiers rakaats de ène namaz ki contenir 3 ou 4 rakaats.
10. Lire Tashahhoud dans tou les deux Qa’dahs.
11. Qiraat par Imam Sahab bizin à voix haute dans namaz Fajr, Maghrib, Esha, Jummah, Eid, Tarawih et Witr dans le mois de Ramadwan et Qiraat à voix basse dans namaz Zohr et ‘Asr.
12. Termine namaz avec salaam.
13. Dire Takbeer et lire Dou’aa Qounout dans namaz witr.
14. Dire banne Takbeers supplémentaire dans namaz Eid.

ENA 21 SUNNAT DANS NAMAZ

Sunnat c’est ène action ki Rassouloullah  fine pratiqué dans namaz, mais li pas niveau ène farz ou ène waajib. Si fine arrivé oublié ène sunnat, alor namaz pas pou cassé et ni Sajdah Sahou pou obligatoire. Si fine quitte li involontairement pas pou éna gounah mais si fine quitte li volontairement pou éna gounah même ki namaz-là pou compter.

1. Lève la main jusqu’à cotte z’oreille avant ki nou faire Takbeer Tahreemah.
2. Nou les doigts la main bizin libre et bizin faire face Qiblah.
3. Nou la tête bizin droite, pas baisse en bas quand pé prononce Takbeer Tahreemah.
4. Quand Imam pé change position li dire Takbeer à chaque fois.
5. Nou attache nou la main droite lors nou la main gauche en bas nou nombril.
6. Lire Thana.
7. Lire Ta’wouz.
8. Lire Tasmeeah.
9. Dans troisieme et quatrieme rakaat de ène namaz ki farz nou pou lire seulement surah Faatihah.
10. Nou dire ‘Ameen’ quand surah Faatihah terminé.
11. Nou lire Thana, Ta’wouz, Tasmiah et Ameen doucement.
12. Chaque namaz nou lire la quantité Qiraa-ah ki sunnat.
13. Minimum trois tasbeeh dans roukou et sajdah.
14. Dans roukou, la tête et le dos bizin horizontal et nou attrape nou genou.
15. Iman pou dire Tasmee et mouktadis pou dire seulement Tahmeed. Ene Mounfared pou bizin dire tou les deux.
16. Quand alle dans sajdah, premier nou pose nou genou, ensuite nou la main, et puis nou nez-nez et dernier nou front. Quand pou relever nou alle en sens inverse.
17. Dans Qa’dah et Jalsah nou pou assize lors nou li pied gauche et nou li pied droite pou reste droite – nou la main pou été lors nou la jambe.
18. Nou faire ène signe de témoignage avec nou le doigt de shahadat quand nou pé dire اشهد ان ﻵ اله dans tashahhoud.
19. Lire Durood Ibrahim après Tashahhoud dans dernier Qa’dah.
20. Lire dou’aa après Durood Ibrahim.
21. Quand faire salaam nou tourne nou figure coté droite avant et ensuite coté gauche.