Ki position duaa Qunoot Naazilah dans Shariat?

Question ID: 
1474
Hun*** asks:

Question

Ki position duaa Qunoot Naazilah dans Shariat?

Eski ene president masjid gagne droit mette forcing lor imaam la pou lire li?

Si ene Imaam pas pe faire li , eski ene dimoune gagne droit critique li?

Presque tous le jour, entier l'annee banne musulman pe subir banne oppression partout dans le monde, eski bizin reste contine lire li tous les jours?

Answer

Qunoot Naazilah li pas ene pratique régulière. C'est ene pratique occasionnelle. Quand ena difficulté intense lor banne musulmans. Nabi (Sallallaahu alaihi wasallam) dans so l'époque li pas fine faire li plis ki 30 jours ou 40 jours. C’est ene pratique optionnelle.

Imaam li mieux placé pour décide kikchose ki concerne Ibaadat. Faudrait pas mette pression lor la.

Perna aukene raison pour critiquer. Faudrait pas prend sa pratique la comme ene spectacle ou ene la mode. Saki pli important et essentiel dans sa situation-la c'est faire tawbah et arrête faire pêché ki nous pencore parré pou faire.

Si qunoot Naazilah li autorisé, bé li autorisé pour banne difficulté bien intense. Quand nous faire li aussi nous pas faire li régulièrement. Nous faire li ene morceau jours après nous arrête li, ensuite nous capave re faire li. Si kikene pas faire li, li pas ene gunaah, Pli grand gunaah c'est pas arrête faire gunaah.