Al-Haseeb

Haseeb ena plusieurs signification:

Celui ki sufi. Dans ça sens-là, Allah Ta’ala li Al-Haseeb acoze ki li tout seul sufi pou tous so banne serviteurs. Quand ene dimoune ena Allah Ta’ala avec li, li pas bizin personne. Li pas bizin narien. Li tout seul li sufi pou accorde li tout ceki li bizin.
Celui ki ena la grandeur. Allah Ta’ala li Al-Haseeb parceki li même ki grand. Pena personne grand divant Allah Ta’ala. C’est Li même ki donne l’honneur et dignité à celui ki li oulé. L’honorable c’est celui ki Alah Ta’ala fine accorde li l’honneur. Personne pas capave ranne indigne ene dimoune ki Allah Ta’ala fine donne li dignité. Mais si Allah Ta’ala même fine déshonore kikene, pena personne ki capave lève li.
Celui ki pou prend Hisaab (compte) pou banne actions. Allah Ta’ala li Al-Haseeb dans le sens ki chakene ena pou ranne compte de tout ceki li fine faire. Ça li implique ki Allah Ta’ala li au courant de tous banne détails de tout ceki chaque insaan faire dans ça dounia-là. Médite lors ça attribut-là li amène confort et soulagement et faire la personne dresse so la vie.

[Extrait de Al Jamiat Vol.7 No.14]