Khanqah/Madrassah/Tableegh

L’enseignement dans madrassah et Khanqah etc., tout ça-là c’est renforcissement de travail de Nabi ‎(Sallallaahou A'laihi Wasallam)‎. Ou croire si arrête l’enseignement dans madrassah et zotte tous zotte engage zotte dans ça travail-là (Tableegh), eski connaissance de Deen pou continué existé ? Fodé pas prend à la légère kitchose ki Allah Ta’ala même fine attire l’attention dans le verset :

فَلَوْلَا نَفَرَ مِن كُلِّ فِرْقَةٍ مِّنْهُمْ طَآئِفَةٌ لِّيَتَفَقَّهُوا۟ فِى ٱلدِّينِ وَلِيُنذِرُوا۟ قَوْمَهُمْ إِذَا رَجَعُوٓا۟ إِلَيْهِمْ لَعَلَّهُمْ يَحْذَرُونَ

« Et kifer ene ti groupe même pas fine sorti depi chaque grand jamaat afin ki (banne ki resté) zotte capave apprane Deen pou zotte capave averti zotte banne dimoune quand zotte retourne (dans l’endroit) et pou zotte capave prend précaution. »

Couma ça (travail Tableegh) li important, coumsa même Khanqah etc. zotte important. Comme remerciement pou Allah Ta’ala, bizin continué reste engagé dans ça travail-là. Et sous estime lezot branche de travail de Deen, li ene attaque et ene inspiration satanique. Bizin toujours prend précaution contre ça. Eski li pas vrai ki Nabi ‎(Sallallaahou A'laihi Wasallam)‎ ti pé fer i’tikaaf pendant des jours ? Ça même c’est la vie de Khanqah ça. La personnalité de Nabi ‎(Sallallaahou A'laihi Wasallam)‎ ti ene personnalité exceptionnelle ki ti permette li faire tout travail ensam. Si lezot banne dimoune ki faible ki pas capave faire tout ensam, fodé pas considère ça comme ene manquement. Ça banne qualité pensé-là c’est ça même la base de l’ignorance. (Sheikh-ul-Hadice Maulana Zakariyyah R)

[Extrait de Al Jamiat Vol.7 No.14]