Rib’ï Bin Hiraash R et so frère Ar-Rabee

C’est ene grand personnage. Li ena hadice ki li fine rapporté de Hazrat Umar ‎(Radiyallahou anhou‎)‎‎, Hazrat Ali ‎(Radiyallahou anhou‎)‎‎, Hazrat Abou Moosa Al-Ash’ari ‎(Radiyallahou anhou‎)‎‎ etc. donc li ene Tabei. C'est-à-dire ene personne ki fine zoine banne Sahaba-e-Kiraam en état de Iman. Li ti faire serment ki li pas pou riyé tanque li pas conne so destination finale. D’après ceki Allamah Az-Zahabi (décédé en 748 H) fine rapporté dans so Siyar A’lam An-Nubala, Hazrat Rib’ï ti continué faire sourire pendant ki ti pé donne li ghussal après so la mort. Quant à so frère Ar-Rabee, selon même source, li ti cozé après so la mort. Li dire li fine zoine ene Rabb ki fine satisfait avec li et ki fine bien accueille li. Li dire ki Rassoulullah ‎(Sallallaahou A'laihi Wasallam)‎ pé attane pou faire so namaz janaza. Donc faire vite avec moi. Quand Hazrat Aisha ‎(Radiyallahou anhou‎)‎‎ fine gagne sa nouvelle-là, li fine dire : « Mo fine tanne Rasoulullah ‎(Sallallaahou A'laihi Wasallam)‎ dire ki pou ena ene personne dans mo Ummat ki pou cozé après la mort. » Ceki drôle et bien drôle ki Hazrat Aisha ‎(Radiyallahou anhou‎)‎‎ pas fine trouve ça drôle. Et si li fine capave trouve li drôle aussi li pas fine trouve ça ene raison pou réfute li. Au contraire li fine mentionne ene hadice ki approuve ça l’événement-là. Apres tout, c’est ene kitchose ki prouvé par Qur’aan-e-Kareem. Banne ‘Ulama en général aussi pas trouve narien ki pas bon avec ça. Ceki drôle c’est ki zordi jour c’est nou ki pé réfute ça acoze ki li paret drôle. Li ene devoir de tout ceki fine réfute ça et fine faire bouffonnerie de ça l’événement-là ki li ena courage vine rétracté. Avec tendance ki nou trouvé, li paret drôle si li rétracté. Mais bizin garde l’espoir li faire li. Ena boucou à gagné dans faire li sans perdi kitchose.

[Extrait de Al Jamiat Vol.7 No.14]