Le course

Ene dimoune li travaille pendant ene semaine. Li trimé pou gagne ene ti la monnaie. Dans weekend li alle zoué le course. Ene seul cou li perdi tout ceki li ti gagné dans ene semaine. Et lot dimoune ki fine encaisse sa la monnaie-là pas fine faire narien. Li fine gagne li sans faire zeffort et sans être utile à la société. Couma ene économiste et ene personne dans domaine de finance pou interprète sa transfère ou distribution ou partage de ça richesse-là ? C’est ene façon cote la majorité li vine pauvre sans réussi satisfaire so besoins et besoins de banne ki sous so responsabilité. Et lot coté ene minorité infime li enrichi sans ranne service à la société.

Eski li pas ene débalancement dans l’économie de ene pays ? Nou ki appelle nou éduqué, moderne, intelligent et civilisé. Eski promouvoir banne institutions semblable ki ranne le peuple misérable li compatible avec ceki nou pretanne être ! C’est ene institution ki faire dimoune de plus en plus vine misérable, égoïste et gourmand. C’est banne virus ki pas pou laisse l’humanité vive en paix.

[Extrait de Al Jamiat Vol.7 No.15]