Ene prescription pou banne moments difficile

Hazrat Auf Bin Malik ‎(Radiyallahou anhou‎)‎‎ ti dans grand difficulté. D’abord li ti pé passe ene moment difficile en ceki concerne dépense dans la caze. Et lors là, li ti ena ene garçon ki banne kafir ti emprisonne li. Li fine vine guette Nabi ‎(Sallallaahou A'laihi Wasallam)‎ ki fine recommane li récite ﻻَ حَوْلَ وَﻻَ قُوَّةَ اِﻻَّ بِالله en abondance. Li et so madame tous les deux fine commence faire li. Dans ene morceau jour, li trouve so garçon pé rente la caze avec ene troupeau zanimau. Dans ça façon-là so problème finance et problème de so garçon fine ressoude. Acoze ça li bien recommandé pou lire ça tasbeeh-là. Hazrat Mujaddid Alf Thani (R) li recommane pou lire ça tasbeeh-là 500 fois tous les jours avec 100 fois daroud shareef dans commencement et 100 fois à la fin. Récitation en abondance de ça tasbeeh-là li renferme banne bénéfices immense pou dounia et pou akhirat. Li remédié ene quantité problèmes. D’après ene hadice, li ene remède de 99 problèmes de différent degré. So pli tigite ceki li débarrasse et libère ene dimoune de banne tracasseries et de banne angoisses.

[Extrait de Al Jamiat Vol.8 No.2]