Conception revolutionaire

Hissab Kitaab. Ça expression-là nou servi pou dire ki ena ene hisaab c'est-à-dire ene compte à rendé dans la vie après la mort pou tout ceki nou faire lors ça la terre-là. Et kitaab signifié ça registre ou bien ça livre ki enregistré tout ceki nou faire ici lors dounia.

Croire dans la vie après la mort cote ena pou ranne compte de ceki nou fine faire lors ça dounia-là li ene conception et croyance révolutionnaire ki transforme la vie ene dimoune. Ça faire li pense bien avant li faire ene kitchose ou bien avant li coze ene kitchose. Li conscient ki li pé être surveillé. Ça ranne li responsable dans la vie. Avant li faire kikene ditort, li conné ki en réalité li pé ranne li même ditort. Ça si li pas ene moyen pou empêche li faire ceki li pé envi faire, li ene moyen pou limite et réduire so férocité et so hostilité. Petit à petit li capave servi pou amène li à la raison et transforme li en ene personne sage et responsable.

[Extrait de Al Jamiat Vol.8 No.2]