Yahya Bin Saeed Al-Qattaan

Yahya Bin Saeed Al-Qattaan (R) ti ene de banne célèbre Hafiz de hadice. Ene Hafiz de hadice c’est ene ki fine mémorise 100,000 hadice. Ou pou étonné pou apprane ki malgré ça connaissance-là li ti pé suive Imam Abou Hanifah (R). Imam Ahmad Bin Hambal (R) dire:

« Mo pas fine trouve ene couma Yahya Bin Saeed avec mo lizié. »

Ça li ene indication assez claire et évidente pou montré l’estime et l’honneur ki Imam Abou Hanifah (R) ti ena dans regard banne célèbre Ulama. Li bien vrai ki c’est banne grand même ki conne valeur banne grand. Quant à banne ki vire-vire lors la plage, zotte pas pou conne narien apart coquillage.

[Extrait de Al Jamiat Vol.8 No.2]