Ki sanla nou l’ennemi

Ene l’ennemi c’est ene ki faire ou ditort. Li pas oulé ou bien être. Ou progrès fatigue li. Li faire tout pou ou pas arrivé. Nou gagné ça banne qualités dimoune-là. Ceki zotte capave faire c’est zotte fatigue nou dans ça dounia-là. Zotte ranne nou la vie misérable par mette nou dans banne problèmes. Mais nou tous conné couma ça dounia-là, problèmes dans dounia aussi zotte temporaire. Ceki pli grave c’est problème dans aakhirat ki dans certaine cas capave vine banne problèmes eternel et irrémédiable. Quand nou analyse problème dans dounia et dans aakhirat par ça optique-là, nou trouve problème dans aakhirat li pli sévère, dure et pli durable. Problème dans aakhirat li vine par péché ki nou faire. Donc pli grand l’ennemi c’est péché. Et c’est nou même nou vine pli grand l’ennemi pou nou même quand nou faire péché.

[Extrait de Al Jamiat Vol.8 No.3]