Mufti Saab donne nous ene bon éclaircissement lors sujet contester ene fatwa et sa rende la personne so nikah annuler.

Answer

Wa alaikumus salaam warahmatullahi wabarakaatuh

Contester ene fatwa li capave vine de la part de ene l'autre Aalim / Moufti ki ena compétence dans la matière lor la base de banne preuve depi dans Quraan, Sunnah et Ijmaa. Sa genre de contestation la fine existé depi tous les temps et sa li pas blâmable. Au contraire li ene bon kitsoz et parfois li nécessaire. Mais bizin faire li dans le but pou cherche la vérité et pou montrer la vérité.

Saki mové et bien pas bon c'est quand ene dimoune ki perna connaissance li réfute ene Aalim / Moufti so fatwa avec ene méprit et légèreté ki des fois indique istikhfaaf (mépris) pou deen et banne Ulama.

Istikhfaaf (mépris) pou deen li tellement grave ki si ene dimoune faire sa avec ene simple kitsoz couma "bonnet" ou bien "Tasbeeh" alors li capave vine kaafir d'après banne Ulama.

Similairement quand ene dimoune dire; " Dire banne Ulama garde zotte fatwa avec zotte", alors sa li bien dangereux. Dans sa banne cas la Banne Ulama dire ki la personne li bizin renouveler so nikaah de par précaution, quand même sa pas pou faire li vine murtad (apostat).