Makrouh

Littéralement makrouh signifié ene kitchose ki détestable et ki pas appréciable. Entre makrouh et haraam pena grand différence. Tous les deux empêché et interdit. Fodé pas prend le terme makrouh comme ene chemin sorti ou bien ene moyen pou minimise gravité ene pratique. Si haraam li interdit, makrouh aussi li ene kitchose ki pas permette. Différence-là trouve dans le degré de gravité. Makrouh li grave et haraam li pli grave. A aukene moment nou bizin pas agir avec makrouh couma ene kitchose ki permette et ki pas grave. Pire, si nou base nou lors conception ki prévaloir en général, selon laquelle 40 makrouh li faire ene haraam. Ça li pas narien apart ene moyen zisse pou légalise kitchose ki pas permette.

Makrouh li ene impureté. Pena narien de bon dans impureté. Donc pena narien de bon dans makrouh. Ou bien li couma ene poison. Et poison li déjà ene message de la mort ou ditort. Li ene kitchose ki suffi pou brèche l’intégrité ene dimoune. Si haram li disqualifié ene dimoune de fasiq dans ene seul coup, makrouh li ena le même effet quand li vine ene l’habitude.

[Extrait de Al Jamiat Vol.8 No.4]