اﻟﺨﺎﻓﺾ (Al Khaafidh) – اﻟﺮاﻓﻊ (Ar Raafi')

Khaafidh veut dire celui ki baissé et Raafi' c'est celui ki hausser. Li dans capacité Allah Ta'ala pou baisse kikene ou pou hausse kikene. C'est Allah Ta'ala même ki baisse kikene par déshonore li et c'est li même ki ena capacité ranne kikene honorable.

Tout le temps ene dimoune pas reste pareil. Ene l'époque li jeune, courageux et robuste et après ene le temps ou nepli reconnaite ça même dimoune. Ou trouvé ki so courage fine fini. Li fine perdi so charme. Hier dimoune ti pé galoupe derrière li et zordi personne pas conne li. Rêve vine réalité et réalité vine ene zistoire du passé. Donc ena le haut et le bas dans la vie et tout ça là li trouve dans la main Allah Ta'ala.

[Extrait de Al Jamiat – Vol. 6 No. 8]