Faire péché en public

Faire péché li bien grave. Mais faire li en public li pli grave ki faire li en cachiette. Faire li en cachiette et dévoile li plitard li couma dire faire li en public. Guette film lors télévision ou ailleurs avec banne camarades ou en famille et surtout banne scènes obscènes et érotiques, li compte dans faire péché ouvertement et publiquement. Ça donne nou ene l'idée de la gravité de ceki banne garçons et filles pé commette dans la rue avec l'audace sans aukene pincé de la honte. Et nou trouve nou incapable pou amène zotte à l'ordre.

Ena ene l'autre pratique ki bien commun. Dimoune ena tendance raconte banne moments d'intimités ki passé entre li et so partenaire avec so banne camarades. D'après hadice ene personne pareille li qualifié de ene pli faille dimoune dans lizié Allah Ta'ala. Et pourtant ceki passé entre ene personne et so partenaire ki dans nikah avec li, li tout à fait halal. Si ça applique pou ene kitchose halal, alors ki quantité grave li été pou raconte banne camarades kitchose haram ki li fine commette ? Et ki quantité haram li pou été pou faire haram divant lizié dimoune ? C'est banne kitchose semblables même ki fine ranne banne musulmans indigne et ki fine jette zotte dans la bassesse. Ki izzat nou pou ena si nou pas conne garde nou izzat. Ene dimoune li dénigré li quand li pas comporte li d'après shariah.

[Extrait de Al Jamiat – Vol. 6 No. 8]