Ene question ???

Couma ou pou qualifié ene personne ki ou fine accorde li tout et ou fine confié li ene mission ki li pas fine assumé par so négligence ? Li prend salaire avec ou mais li travail pou lezot ? Li servi banne moyens ki ou fine accorde li pou oppose ou et détruire ou ? Dans langage grossier dimoune pou dire ça dimoune-là li pas ene dimoune ça. Ki faire ou croire dimoune pas pou appelle li dimoune ? Eski pas acoze ki li pena reconnaissance ? Eski pas acoze ki li malhonnête ? Eski pas acoze li ene traitre ? Définitivement li ene ingrat, ene malhonnête et ene traitre. Coumsa même arrivé quand ene dimoune li désobéir Allah Ta'ala. Eski li pas vrai ki nou prend banne faveurs Allah Ta'ala et nou servi ça pou casse l'ordre Allah Ta'ala. Eski li pas vrai ki Allah Ta'ala fine envoye nou lors la terre avec ene mission et fine accorde nou tout banne facilités pou assume ça mission- là mais nou servi tout banne facilité sans exécute nou mission. Couma nou ti pou agir avec ene travailleur pareil ? C'est ene question ki chakene parmi nou bizin pensé lors-là.

[Extrait de Al Jamiat – Vol. 6 No. 8]