ki veut dir tahleel?

Answer

Tahleel veut dire récite Kalimah Tayyibah (Laa ilaaha illallaah). Dans nou context ici, Tahleel signifié faire Tasbeeh de ça Kalimah-là et envoye so récompense à ene personne ki fine mort.

Normalement, quand ene dimoune li faire nimporte ki ibaadat couma Tilawat de Qour'aan-e-Karîm, Namaz, Sadaqah, Roza, Zikr, etc. et li envoye ça récompense-là à ene mayyit, alors ça mayyit-là li pou gagne ça récompense-là, par l'ordre d'Allah Ta'ala. Mayyit-là li pou bénéficié avec ça récompense-là à condition ki ça action-là fine faire avec sincérité et aukene lezot pratique ki pas forme parti dans Shari'ah, pas fine être ajouté là-dans. De plus, ça li bizin pas commence vine ene coutume parmi banne dimounes.

Ena des fois, nou remarqué ki la famille cotte fine ena mayyit-là, zotte donne ça banne dimounes ki fine vine faire Tahleel-là, mangé. Ça li donne l'impression coumadire zotte pé paye ça banne dimounes-là pou ça Tasbeeh ki zotte fine faire-là. Sans doute, ça li pas permette parceki Ibaadat bizin faire zisse pou faire Allah Ta'ala plaisir.

De lotte coté, si ene personne fine vine faire Tahleel, avec ça notion ki pou gagne mangé-là, alors li même li pas pou gagne récompense pou ça Tahleel ki li fine faire-là, alors ki récompense li pou envoye pou ça mayyit-là?

De nos jours, ça kitchose-là fine prend ene grand l’ampleur et li fine vine ene coutume. A cause ça, li pas pou permette pou banne membres de la famille zotte réuni pou faire Tahleel. Chakene capave faire la quantité ki li envi dans so la caze sans faire kikene conné. Ceki important, c'est ki Allah Ta'ala li conné parceki c'est Li ki pou récompense nou.