Donne fausse information

Question ID: 
1988
kha***@gmail.com asks:

Question

Assalamu alaikoum

Mo dan ene societe religieux musulman. Tous les ans mo bizin faire ene return "Registry of Association".

Eski mo capave:

1. Ecrire fausse minutes dan livre.
2. Fausse date ki faire meeting.
3. Ecrire ene meeting ki jamais fine faire.
4. Mettre ene fausse date pou AGM ki jamais finne prend place et avoye ene 'return' ki oui sa date la fine faire meeting.

Tous sa la faire pou ki l'authorite so bannes officiers trouve tous bon et societe la roule tranquillement. Eski c'est Ene Kabira Ghunna.

Answer

Wa alaikumus salaam warahmatullahi wabarakaatuh,

Ene société ki enregistré li bizin assume so responsabilité et faire so travail bien couma bizin avec la transparence. Faudrait pas li faire négligence ensuite li couvert li avec mensonge. Donne information contre vérité avec propre connaissance li ene type de déception et ene mensonge.

Cause menti li ene grand péché et d’après Qour’aan-e-Kareem, ena malédiction lors banne ki impliqué dans mensonge.

Ene dimoune vraiment digne et respectable pas capave cause menti. Ene dimoune digne li bizin ene dimoune honnête. Cause menti li contre l’honnêteté. Ça veut dire ene dimoune ki cause menti pas capave vine ene dimoune honnête. Donc par cause menti, ene dimoune li sorti en dehors la liste banne ki digne et honnête. En d’autre mot ene dimoune ki cause menti li ene dimoune indigne et malhonnête.

Donc, dans ou cas li pas pou permette pou donne aukene fausse l'information à banne l'autorité meme si l'intention la li noble. Donne banne l’informations pareils li ene grand gunnah (Gunnah kabeerah).