Aqeedah Hayaati et Mamaati

Question ID: 
1990
dyl***@gmail.com asks:

Question

As Salam Aleykoum,

D'abbord mo ena grand respect pou JUM et banne Ulamas qui apprend par banne savants Deobandis ou dans banne institution Deobandis. Eski JUM kapave donne 1 explications lor la différences entre aqueeda Hayati & Mamati, et eski JUM li Mamati ou Hayati dans zot aqueeda ?

Answer

Wa alaikumussalaam warahmatullaahi wabarakaatuh

Hayaati et Mamaati li ene sujet ki concerne la vie de bannes prophètes (Alaihimus Salaam) dans zotte Qabr. Eski zotte vivant ou non ?

Ena divergence d'opinion parmi banne Ulama-e-Kiraam lors ça sujet-là. D’après la majorité de banne Ulama de Ahlé Sounnah Wal Jama'aah, banne prophètes (Alaihimus Salaam) zotte vivant dans zotte Qabr et zotte l’ame (Rouh) ena ene connection assez fort avec zotte le corps. Et ça connection ki zotte ena là, permette zotte pou tanne Salaam de banne dimounes ki pe avoye zotte Salaam et zotte réponne ça bannes Salaam-là aussi. Zotte la vie dans Qabr, li pas pareil couma zotte la vie ti été lors ça la terre-là. Li bien différent. C'est Allah Ta’aala tout seul ki conne réalité de ça la vie-là. Nou banne insaan, nou pena ça connaissance-là. Mais malgré ça, nou accepté ça la vie-là couma li été. Et c'est ça même JUM so stand lor la.