Faire salaam a banne ki fine égaré et cotoye zotte.

Question ID: 
1991
yas***@intnet.mu asks:

Question

Assalamouaaloikoum Mufti sahab,

Suite a banne recent evenment dans Tabligh jamaat, mo fine tender ki ena bane dimune de deux coter pas faire salaam ni zotte kozer. Banne ki ti bien souriant et amicale fine perdi sa bane bon kaliter kan zotte joine lotte groupe la.

Est ce ki JUM condane sa kaliter action la et nu prophet ki dire lor la.

Jazakillah

Answer

Wa alaikumussalaam warahmatullaahi wabarakaatuh

Nabi (Sallallaahou Alaihi Wasallam) ti ena banne camarades couma li ti ena banne l’ennemies aussi. So l’ennmité li pas ti basé lors banne raisons mondaines ou bien kit l’intérêt personnel, mais plitot pou Allah Ta'aala. C'est ça même l’enseignement ki trouve dans Qour'aan et c'est ça même ki Nabi (Sallallaahou Alaihi Wasallam) fine enseigne so banne compagnons.

Donc, banne dimoune ki éprouve la haine pou Deen dans ene façon flagrant couma banne Kaafir, li pas permette pou établir ene relation intime avec zotte. Mais l'Islam autorise nou établir contact avec zotte pou faire commerce. Coumsa même li recommandé pou sympathise avec zotte et aide zotte dans zotte difficulté. Couma li permette agir bien avec zotte par courtoisie et par la diplomatie avec l'unique but pou promouvoir Deen mais sans kit gain mondaine ou l'intérêt personnel. Mais à aukene moment li pas permette pou établir relation intime avec zotte.

Coumsa même, si ena banne dimounes ki déclare zotte musulman, mais zotte prononce banne paroles ou bien zotte faire bannes actions ki alle à l’encontre de la base de l’Islaam, couma banne Shia, Qadiani, etc., alors, nou bizin garde nou distance avec zotte complètement pou ki nou capave préserve nou Imaan. Néanmoins, si ene musulman ki ferme dans so Deen, li conné ki li pou capave influence zotte et amène zotte vers l’islam, alors li capave fréquente zotte, seulement avec ça but-là.

En ceki concerne banne ki fine égaré dans bannes principes de Deen mais zotte encore être considéré comme musulman d’après l’islam, alors nou capave garde relation avec zotte à ene certaine niveau. Nou capave faire zotte Salaam et côtoye zotte. Mais concernant banne aspects de Deen, nous bizin garde nou distance avec zotte. C'est à dire ki nou bizin pas participe dans zotte banne activités ki zotte faire lors nom de Deen.

En bref, si ene group fine perdi zotte Imaan acoze banne paroles ou banne actions ki fine faire zotte vine kaafir, alors gagne droit pas faire zotte Salaam et pas côtoye zotte dans le but pou préserve nou Imaan. Mais si ça group là fine égaré concernant bannes principes de Deen seulement, alors dans ça cas-là, li pas bon refuse faire zotte Salaam ou réponne zotte Salaam. Néanmoins, nou pas supposé participe dans zotte bannes programmes.