Guette dans Qour'aan lire dans namaz Taraweeh

Q: Eski gagne droit guette dans Qour'aan lire dans namaz Taraweeh?

R: C'est ene sujet ki ena divergence lors là parmi banne 'Oulama. La preuve présenté par banne ki autorise guette dans Qour'aan lire li ene preuve ki capave être interprété dans différent façons. Etant vague, ene preuve pareil pas capave servi pou prouve ene sujet spécifique. Le moins ki capave déduire à partir banne preuves de deux cotés ki li pas ene pratique appréciée surtout lors la base de la déclaration de Hazrat Abdullah Bin Abbaas ‎(Radiyallahou anhou‎)‎ ki fine dire ki Hazrat 'Oumar ‎(Radiyallahou anhou‎)‎ ti empêche guette dans Qour'aan quand dirige banne dimoune dans namaz.

D'ailleurs guette dans Qour'aan li nécessite Amal Katheer'ou ene mouvement excessif ki li ene élément pou annule namaz.

Deuxièmement ça li ressemblé la façon de faire de banne Ahl-e-Kitaab.

Troisièmement banne ki autorise ça. zotte pas faire li comme ene vertu.

Zotte autorisation li basé seulement lors le fait ki ça li pas ene élément ki annule namaz. Apres avoir analyse les pour et les contre nous capave déduire ene point ki commun dans les deux tendances. C'est ki li pas ene pratique appréciée. Hazrat Ibrahim An-Nakha'ee dire ki banne Sahaba-e-Kiraam et banne Tabeines pas ti appréciée guette dans Quran lire pendant namaz. Astere nou ena trois choix devant nous :-

1. Lire banne sourah ki pas nécessite guette dans Qour'aan. Ça li permette selon tous les tendances.

2. Lire entier Qour'aan sans guette dans Qour'aan. Ça li approuvé et apprécié par tout un chacun.

3. Lire longue sourah ou entier Qour'aan ki nécessite guette dans Qour'aan. Ça li toléré par certains sans être apprécié. Et chez certain li annule namaz.

Donc ene personne ki pas Hafiz-ul-Qour'aan ou bien li pas ene bon Hafiz-ul-Qour'aan, préférablement li sélecté banne sourah ki pas nécessite guette dans Qour'aan. Coumsa li sur ki so namaz li valable selon tous bannes Oulama. Li pas sage pour guette dans Qour'aan lire juste pou gagne ene ti peu récompense en plis au prix de la validité même de namaaz ki fine observé et pratiqué avec tant de zeftort et de sacrifice.

Allaamah Bin Hazm dire :-

"Li pas permette pou kikene ki apé faire Imamat ki li guette dans Qour'aan li lire ni dans faraz ni dans nafil. So namaz et namaz de banne mouqtadi ki faire namaz derrière li avec propre connaissance li annulé et pas valable!" (AI-Mouhalla)

[Extrait de Al Jamiat Vol.2 No.11 et Vol.7 No.5]