Contacte avec JInn

Question ID: 
2005
pee***@gmail.com asks:

Question

Assalaamoualaikoum

Mo question li lor topic de contacter ban jinn. Eski gagn droit contacter ban jinn ki li sois bon ou movais

Answer

Wa alaikumus Salaam Warahmatullaahi wabarakaatuh

Ena plusieurs façon ki ene dimoune capave gagne contacte avec banne Jinn :

i. Ça li capave arrivé comme ene Mou’jizah ou ene miracle de côté Allah Ta’aala. Par exemple, dans Qour’aan-e-Kareem Allah Ta’ala fine mentionné ki li fine donne Hazrat Sulaiman (Alaihis Salaam) contrôle lors banne Jinn. De la même façon, fine mentionné dans certain récits ki ti ena banne Sahabah (Radiyallaahou Anhoum) ki ti ena contrôle lors banne Jinn.

ii. Ça li capave arrivé à travers banne Amaliyyaat (Ruqya ou banne pratiques spécifiques).

Dans ça deuxième cas-là, pou bizin guette procédure ki fine adopté et parole ki fine servi pou réalise ça.

1. Si fine dire banne paroles de Koufr ou bien fine faire banne pratiques de Koufr, alors ça procedure-là pou être considéré comme Koufr.

2. Si fine servi banne paroles ki zotte signification li inconnu, alors, d’après banne juristes (Fouqaha), ça aussi li pas pou permette parceki li possible ki li implique banne paroles de Koufr et Shirk.

3. Si fine commette banne kitchoses illicites et désobéissances là-dans, sans ki ça ena aukene rapport avec Koufr, alors ça procédure-là li pou être considéré comme ene pêché grave.

4. Si fine servi Allah Ta’aala So banne jolis noms, So banne attribues ou bien banne versets Qour’aan pou gagne contrôle lors banne Jinn et pas fine servi banne kitchoses impures ni fine commette kit désobéissance envers Allah Ta’aala, alors dans ça cas-là, li pou permette à condition ki ça personne-là pé faire ça uniquement pou protège li même ou bien ene l’autre musulman depuis méfaits de banne Jinn et li pas pé faire ça pou acquérir kit bénéfice depuis ça banne Jinn-là ni pou faire ditort les autres dimounes.

Note : Malgré ki ça travaille-là li autorisé dans certaine cas couma fine mentionné là-haut, là-aussi, ena banne danger là-dans et li bien risquant. Parfois ene personne li capave perdi so dignité ou bien so la vie aussi dans faire ça. Acoze-ça, li meilleur ki ene dimoune li reste loin avec ça.