Accepter ene da'wat waleemah ki pe faire avec casse loan

Answer

Wa alaikumus salaam warahmatullahi wabarakaatuh

Ena trois catégorie de Hadice ki fine mentionné concernant Da’wat (invitation pour mangé). D’après certain hadice li ene pêché pou refuse ene invitation. D’après lezot hadice li empêché accepté ene Da’wat. Et d’après certain lezot hadice encore, li pas bon pou questionne ene hôte concernant ça mangé ki li pé servi-là c.à.d. eski li Halal ou non ?

Premier catégorie:

1. Hazrat Abdoullah Ibne Umar (Radiyallaahou anhouma) fine rapporté ki Nabi (Sallallaahou Alaihi Wasallam) fine dire: «Celui ki pas fine accepté ene invitation ki li fine recevoir, alors li fine désobéir Allah Ta'aala et et So prophète (Sallallaahou alaihi wasallam)». (Abou Dawood)

2. Hazrat Abdoullah Ibne Umar (Radiyallaahou anhouma) fine rapporté ki Nabi (Sallallaahou alaihi wasallam) fine dire: «Si ene parmi zotte recevoir ene invitation pou ene waleemah, alors li bizin alle dans ça invitation-là». (Abou Dawood)

3. Hazrat Abdoullah Ibne Umar (Radiyallaahou anhouma) fine rapporté ki Nabi (Sallallaahou alaihi wasallam) fine dire: "Si kikene parmi zotte invite so frère, alors li bizin accepté li, ki li ene mariage ou bien ene Da’wat dans ça genre-là." (Abou Dawood / Vol 2 Pg 525)

Deuxième catégorie:

1. Hazrat Abou Hourairah (Radiyallaahou anhou) fine rapporté ki Nabi (Salallaahu alaihi wasallam) fine dire : "Ena deux catégories dimoune orgueilleux (ki zotte invitation) bizin pas accepté et zotte mangé bizin pas consommé." (Imaam Ahmad (Rahimahullah) fine dire ki ça deux dimounes-là li réfère à ene personne ki orgueilleux dans so invitation et ene personne ki faire voir dans so invitation.) (Baihaqi – Shu’bul Imaan)

2. Hazrat Imraan Bin Houssein (Radiyallaahou anhu) fine dire: "Nabi (Sallallaahou alaihi wasallam) fine empêché accepté invitation pou mangé de (la part de) banne Faasiq (banne ki casse la loi Allah Ta'aala ouvertement)." (Baihaqi – Shu’boul Imaan)

Troisième Catégorie:

Hazrat Abou Hourairah (Radiyallaahou anhou) fine rapporté ki Nabi (Sallallaahou alaihi wasallam) fine dire : "Quand ene personne alle cote so frère musulman, alors li bizin consomme so mangé sans ki li questionne li et li bizin consomme so la boisson sans ki li questionne li." (Baihaqi – Shu’boul Imaan)

Basant lors banne Hadice ki fine mentionné dans premier catégorie, certaine banne Ulama-e-Kiraam fine dire ki li Moustahab pou accepté ene invitation waleema. Ena lezot ki dire ki li Waajib, couma ena dire ki li Farz-e-kifaayah. Ça règlement-là li pou appliqué avec banne conditions suivants. Si ça banne conditions-là fine être respecté, alors, li pas bon refuse ene telle da’wat. Par contre, si ene de ça banne critères-là pas fine respecté, alors bizin pas accepté ça Da’wat-là.

1. La personne li pé donne da’wat sincèrement pou Allah Ta’aala. Li pas pé faire li par faiseur.

2. Li pé faire mangé avec l’argent Halaal et non pas avec l’argent haraam ou douteux.

(Si li confirmé ki la personne li prend précaution concernant so revenue, so mangé-boire, etc., alors bizin pas questionne li à propos ça. Parceki ça li représente ene bad-gumaani (mauvais pensé) envers ça personne-là et bad-gumaani li pas permette dans l’Islam.

3. Pas pou ena kitchose contre Shariat dans ça place-là. Par exemple : la musique ou chanté-dansé.

4. Refuse ça dawat-là, pou blesse la personne ki fine donne da’wat.

5. Pena aukene excuse valable d’après Shariat pou pas accepté ça Da’wat-là. Par exemple : présence de ene personne ki pas supposé fréquenté.

Aster, nou retourne à ou question. Ene prêt (loan) ki ene dimoune prend avec la banque, li ene transaction Haraam acoze ki li basé lors l’intérêt. Ene personne ki prend ene prêt bizin rembourse plis ki ceki li fine prend prêté. Dans ça cas-là, li pé commette ene péché par paye l’intérêt. Pareil couma li pas permette pou prend l'intérêt, coumsa même li pas permette pou donne l'intérêt. L’intérêt li ene transaction tellement grave ki Allah Ta’ala fine appelle ça 'déclare la guerre avec Allah et So Rassoul ‎(Sallallaahou A'laihi Wasallam)‎'. Dans ene hadice, Rassouloullah ‎(Sallallaahou Alaihi Wasallam)‎ fine dire :

“Ene dirham (ene pièce d’argent) de Riba ki ene dimoune consommé avec connaissance, li représente ene péché pli grave ki 36 fois commette zina.”

Si ene dimoune en guerre avec Allah Ta'aala, alors li pas capave être considéré comme ene dimoune serieux dans Deen. Au contraire, li ene dimoune ki pé vive dans désobéissance Allah Ta'aala. Dans Qour’aan, Allah Ta’ala dire : ‘Pas aide zotte prochain dans gounnah’. Accepté ene invitation pareil li pou ene indication ki nou pé tolère ça transaction l’intérêt ki fine déroulé-là et ça li bien grave parceki ça li ene encouragement pou lezot pou faire pareil. Donc, si nou pas pé capave empêche la personne faire ene transaction pareil, alors au moins, nou bizin pas sanctionne ça transaction-là par donne nou présence là-bas.

Dans Surah Fourqaan, Allah Ta’ala flatte banne serviteurs pieux et Li dire : ‘et banne ki pas témoigne le mal’. C.à.d. zotte pas donne zotte présence dans banne place cote le mal pé passé. Si ene personne fine osé rentre dans ene transaction ki Haraam, alors sans doute pou ena banne lezot facteurs ki contre Shar’iat ki pou passé dans ça da’wat ki li pé faire-là. Par exemple : missié-madame pou zoine. Dans ça cas-là, ene dimoune bizin pas hésité pou refuse ene Da’wat pareille, même si li ene famille proche et même si ça pou faire la personne mécontent ou bien ça pou casse relation familiale.