Nikah entre banne zenfants de ene couple de zotte premier partenaire

Question ID: 
2045
jru***@hotmail.com asks:

Question

Assalamoualaikum!
Apres la mort so premier missier ene madam inne faire ene deuxieme nikka. Madam la li ena grand tifi avec so premier missie la .So deuxieme missier la ena en grand garcon dans so premier mariage. Garson tifi finne contant esqui zotte gagne droit faire nikka? Si astere aulieu tifi, madam la ti pou ena garcon et deuxieme missier la, ti pou ena tifi, esqui zotte ena droit faire nikka?

Jazaak Allah

Answer

Nikah entre banne zenfants de ene couple de zotte premier partenaire

Réponse:

Wa alaikumus Salaam Warahmatullaahi wabarakaatuh

Shariat fine empêche ene personne pou marié avec ene lotte dans banne cas suivants:

1. Quand ena ene relation familiale consanguin entre zotte. Par exemple, ene dimoune li pas gagne droit marié avec so ascendant, so descendant, so frères /sœurs et zotte descendant etc..

2. Quand zotte relation li lié par mariage. Par exemple, marié avec belle-mère, beau-père, ou bien z'enfant de ou madame / missié ki zotte fine gagné à travers zotte mariage précédant etc.

3. Quand zotte relation li lié à travers du lait. Par exemple, mama dilait, papa dilait, frère /sœur dilait etc..

4. Marier avec deux sœurs en même temps. Pareillement, li pas permette pou ena plis ki 4 madames à la fois.

5. Marier avec ene esclave ki ou possédé. Ça li appliqué seulement dans l'époque esclavage.

6. Marier avec ene polythéiste. Par exemple, ene idolâtre.

Ça relation ki ena entre ça garçon-là et ça tifi-là li pas forme parti parmi aukene de ça banne cas-là. Donc, li tout à fait permette pou zotte faire Nikaah. A noter ki ça règlement-là li appliqué dans tous les deux scénarios ki fine mentionné dans ça question-là.

Approved by:
Mufti Usmaan
For the Jamiatul Ulama of Mauritius