covering the feet in Salah for females

Question ID: 
2046
jru***@hotmail.com asks:

Question

Assalamoualaikum!
Qui parti ene madame bizin couvert quand faire namaz? Ena savant de deen dire qui bizin couvert tout excepter visage, deux poignet la main et plat deux lipieds. Mais seulement madam la bizin couvert so lipied avec ene chaussette quand faire namaz parce qui li forme parti dan aurah. Esqui ce vraie ca d'apres bann Hadith?
Ene garcon inne donne talaaq so madam, esqui madam la gagne droit faire nikka avec so ex missier so papa?

Jazaak Allah!

Answer

Al jawaab Bi'smillah.
1) Ene madame quand li debouté pou accomplir namaz li gagne droit découvert so visage ( la kantité li laver dan wuzou) , so la main juska poignet (poignet bizin couvert) et so li pied juska so cheville (cheville bizin couvert).. sa 3 parti la li pas forme parti dan awrah namaz pou ene madame .
وبدن الحرة عورة إلا وجہہا وکفیہا وقدمیہا۔ (البحر الرائق: ٤٦٧/١.
Ena 2 hadith ki fine raporter ki li pied ene madame dan namaz osi bizin couvert.
■ Imam Abou Dawood par UMME MUHAMMAD et par Hazrat UMME SALMA RA. Sa hadith la (مرفوعا) directement juska Rasouloullah Swallallahu Alaihi wa SALLAM et (موقوفا) indirectement osi li buku faible par raport a bane Muhadisseen.
■ Imam Tirmizi fine raporte preske mem hadith .. dan sa hadith la ena ki Hazrat Umme Salma fine demande Rasouloullah Swallallahu Alaihi wa Sallam eski ene madame kapave fer namaz avec Khimaar ( horni) et ene Qamees ( ene long robe ) ? Rasouloullah Swallallahu Alaihi wa SALLAM fine dire : Oui si sa robe la li tombe juska là-haut so li pied et li couvert so cheville.
Basant lor sa hadith là les autres imam come Imam Ahmad etc. fine dire ene madame bizin couvert so li pied osi dan namaz.
Mais Imam Abu Hanifa RA. in dire:
وَ قَالَ أَبُو حَنِیفَةَ، وَالثَّورِیُّ: قَدَمُ المَرأَةِ لَیسَت بِعَورَةٍ ۔ فَإِن صَلَّت، وَ قَدَمُهَا مَکشُوفَةٌ صَحَت صَلَاتُهَا ‘ (عمدة القارئ )
Traduction : Imam Abu Hanifah et Imam Sufyan Ath-thauri RA. dire : li pied ene madame ( dans namaz ) li pas form parti dans couvert, si ene madame li fer namaz et so li pied decouvert, SO NAMAZ POU VALABLE.
Imam Ibne Taimiya osi dire ki ene madame so li pied li pas forme parti dan couvert .. li fine prend preuve par Ayat Quran de surah An Noor ..
﴿وَلاَ یُبْدِیْنَ زِیْنَتَهُنَّ اِِلَّا مَا ظَهَرَ مِنْهَا﴾(النور:۳۱)
Traduction: faudre pas ene madame li decovert so bane places des ornaments excepter ceki parette ..
Hazrat Aisha RA. fine dire : li peid li dans bane place ki parette ..
Par sa Imam Ibne Taimiya dire dan namaz lipied li pas obligatoire pou couvert.
• Imam Bukhari osi fine amene ene chapitre dan so livre : eski ene madame kapave fer namaz avec ene seul linge ou drap ? Imam Bukhari fine mentione
Hazrat Ikramah Maula Ibne Abbas RA. so verdique :
’ لَو وَارَت جَسَدَهَا فِی ثَوبٍ لَأَجزَأَتهُ
Si ene madame li Porte ene seul vêtement li fer namaz li pou permissible.
• Allamah Aini osi dire :
’ لَا بَأسَ بِالصَّلَاةِ فِی القَمِیصِ الوَاحِدِ إِذَا کَانَ صَفِیقًا۔‘
Pena problem si ene madame li fer namaz avec ene seul vetement (robe ou ene drap kan li pas transparent.
•• Donc par verdique de tous sa bane Ulamas la nous pe koner ki li pas obligatoire pou ene madame li met sausette li fer namaz..
Si so robe li bien long ki couver so cheville li pou meilleur dan tou façon.
Question 2 :
Ene madame li pas gagne droit marier avec so ex misier so papa (beau-père)
Parce ki beau-père li ene Mahram par raport musaharaah (relation de nikah), et sa li a vie dans nimporte ki circonstance.
Reference surah An Nisa 4/ 23.

Answered by:
(Mf) Abdul Qaadir
For the Jamiatul Ulama of Mauritius