Helping the Deen of Allah

Answer

Wa alaikumus Salaam Warahmatullaahi wabarakaatuh En ceki concerne Allah ta’aala so l’aide, Allah ta’aala fine adresse avec nous dans sa façon suivant-la: O banne ki ena imaan! Si zotte aide Allah ta’aala (so deen), alors Allah ta’aala pou aide zotte...( surah Muhammad / verset 7) Dans sa verset-la, Allah Ta’aala pe faire nous comprend ki tous banne ki pe faire z’effort pou aide Allah ta’aala so deen, alors Allah ta’aala aussi pou aide zotte. Faire Tableegh (propagation) deen-e-Islaam li forme partie banne z’effort important dans deen et li ene parmi banne façon pou aide Allah ta’aala so deen. Donc, si ene dimoune pe faire li dans façon ki bizin, Insha Allah li pou gagne Allah ta’aala so l’aide. Mais appart sa ena boucou lezotte façon pou aide deen Allah ta’aala, par exemple; enseigne Allah ta’aala so deen à travers Maktab et madrassah, faire causerie, publication, et faire z’effort pou réforme dimoune à travers khanqa etc. Chaque ene ena so l’importance et so nécessité. Li pas correcte pou passe ene commentaire dans ene façon générale pou dire laquelle façon ki plis meilleur sans gagne avis de banne ulama e kiraam. Parfois ene action li bon dans li même, mais dans certaines situations ene lotte action gagne priorité lor li. Donc sa li pas applique lor tous dimoune et dans tous situation. Approved by: Mufti Usmaan For the Jamiatul Ulama of Mauritius