Le contexte dans lequel banne madames ti permette vine masjid dans l’époque Rassouloullah (s.a.w)

La permission pou madame vine masjid c’était ene permission ki ti attaché avec certaines conditions dans ene contexte très spécifique. Ça signifié ki ça permission-là pou valable tanque ki satisfaire ça banne conditions-là et tanque ki le contexte continué reste favorable. Si jamais le contexte fine changé ou bien ene de banne conditions pas existé, alors automatiquement ça permission-là aussi pou enlevé.

Le climat de Deen, l’environnement de la piété et le contexte favorable ki ti prévaloir dans l’époque Rassouloullah r, li ene kitchose exemplaire et unique. C’était ene l’époque cotte tout dimoune ti Deendaar, sincère et dévoué pou la cause de Deen. C’était ene l’époque acote si ene dimoune fine perdi ene objet de valeur dans chemin quelque part, li sur ki pas jordi pas dimain li pou gagne li, tellement banne dimoune ti honnête. C’était l’époque de Sahaba-e-Kiraam t ki ti bénéficié pleinement avec Rassouloullah r. C’était ene l’époque ki Allah Ta’ala fine exprime so satisfaction totale à l’égard banne Sahaba-e-Kiraam ki ti vive là-dans et fine décrète zotte “Ummah Wasat” (ene communauté juste et intègre). Rassouloullah r fine certifié zotte l’honnêteté et l’intégrité.

La permission ki banne madames ti gagné pou vine masjid, c’était dans ene l’époque pareille avec banne conditions bien strictes. Dans ça l’époque exemplaire-là aussi, Rassouloullah r ti préfère ki zotte faire zotte namaz dans la caze. Mais avec ene certaine concession pou faire certaines namaz dans masjid aussi. C'était acoze ki le climat et le contexte ti encore favorable. Et mentalité public en général ti encore exemplaire et banne dimoune ti extrêmement sincère. Et ti ena tout banne éléments présent pou empêche toute sorte dérapages et irrégularités.

L’attitude de banne sahaba-e-kiraam et zotte prise de position quand contexte fine changé

Apres le wafaat de Rassouloullah r, banne Sahaba-e-Kiraam fine commence constate ene changement de mentalité ki de plus en plus ti pé dégénéré juska ki Hazrat Aisha t fine bizin dire :

"لو ادرك رسول الله r ما احدث النساء لمنعهن كما منعت نساء بنى اسرائيل ..." (البخارى)

Traduction:

“Si Rassouloullah r ti joine ça banne nouveau kitchose ki banne madames fine commence faire-là, li ti pou empêche zotte (vine masjid) pareille couma banne madames Bani Israël ti empêché …” (Boukhari)

Allaamah Badruddeen Al-Aïni (décédé en 855 H) dire dans so Umdat-ul-Qari, ene commentaire lors Sahih Al-Boukhari :

“Entre wafaat de Rassouloullah r, et entre ceki Hazrat Aisha t fine constaté, ti ena bien tigite le temps. Lors ça, banne nouveauté ki banne madames dans ça l’époque-là ti introduire, li ti capave ene millième de ceki banne madames dans ça l’époque-là (l’époque Allaamah Badruddeen) fine introduire”.

Mais pourtant Hazrat Aishatti bien pessimiste lors ça ene tigite changement de mentalité-là aussi parceki pou ene peuple ki fine témoigne et vive la gloire de Deen dans l’époque Mubaarak de Rassouloullah r, li difficile pou reste insensible à ene ti changement aussi quand ça li paraite ene changement négatif. Donc quand banne Sahaba-e-Kiraam fine constaté ki le contexte dans lequel la permission ti accordé à banne madames fine changé, zotte fine soutenir favorablement l’idée pou empêche banne madames vine masjid. Et dans prend ene décision pareille, zotte pas fine brise aukene principe ni zotte décision ti en conflit avec kit l’enseignement de Rassouloullah r. C'est parceki l’autorisation ki Nabi r ti donné, ti ene l'autorisation ki ti lié et ti attaché avec banne conditions. Et ça ti déjà commence disparaître après Rassouloullah r dans l’époque banne Sahaba-e-Kiraam même.

D’après principe quand ene pratique li attaché avec ene condition, li reste en vigueur tanque ki ça condition-là existé. Mais quand ça condition-là disparaître, ça pratique-là aussi arrête appliqué couma Ibn Khuzaimah (233H-311H) dire dans so Sahih Bin Khuzaimah :

“L’ordre pou pas empêche banne madames vine masjid ti appliqué dans ene l’époque acote pas ti ena aukene crainte de corruption à zotte l’égard dans sorti pou alle masjid”.

Mufti Mohammad Shafi (R) dire dans so Ma’rif-ul-Qour’aan :

“Après (Rassouloullah r) so wafaat, banne Sahaba-e-Kiraam fine trouvé ki madames vine masjid li nepli ene kitchose hors danger, quand même zotte couvert et enveloppe zotte bien. Alors par ene l’accorité ki fine ena entre zotte, zotte fine interdit banne madames participe dans namaz avec jamaat dans masjid.”

(Tafseer Ma’arif-ul-Qour’aan, Sourah Al-Ahzaab)

Shah Waliyyullah Dehlavi (R) dire dans so حجة الله البالغة (Hujjat-ullaahil-Baalighah) :

"ولا اختلاف بين قوله r اذا استاذنت امرأة احدكم الى المسجد فلا يمنعها وبين ما حكم به جمهور الصحابة من منعهن اذا المنهى الغيرة التى تنبعث من الانفة دون خوف الفتنة والجائز ما فيه خوف الفتنة ..."(حجة الله البالغة)

Traduction:

"Na perna aukene contradiction entre déclaration Rassouloullah r “Quand ene kikene parmi ou so madame dimane li permission pou alle masjid, alors li pas bizin empêche li” et entre la décision ki la majorité de banne Sahaba-e-Kiraam fine prend pou empêche zotte (vine masjid) parceki ceki empêché c’est ceki émane apartir ça sentiment de la jalousie ki levé (dans ene dimoune) par l’arrogance. Non pli ceki émergé apartir la crainte de fitna. Et ceki جائز (permette) c’est le cas acote ena la crainte de fitna”.

(Hujjat-ullaahil-Baalighah)

Allaamah Qourtubi (décédé en 671H) dire dans so Tafseer الجامع لاحكام القرآن (Al Jami' Fi Ahkaamil Qour'aan):

"... وهذا كما ان اصحاب النبى r منعوا النساء المسجد بعد وفاة رسول الله عليه وسلم ..."

Traduction:

“… Et ça li pareille couma banne Sahaba de Nabi r ti empêche banne madames (vine) masjid après le wafaat de Rassouloullah r …”.

Par cela li evident ki banne Sahaba-e-Kiraam ti empeche banne madames vine masjid après wafaat deRassouloullah r.

Allaamah Akmal-ud-Deen Mouhammad Bin Mahmood Al-Babarti (décédé en 786 H) dire dans so العناية (Al 'Inaayah), ene commentaire lors الهداية (Al-Hidaayah):

"كانت النساء يباح لهن الخروج الى الصلوات ثم لما صار سببا للوقوع فى الفتنة نهين عن ذلك ... ولقد نهى عمر النساء عن الخروج الى المساجد فشكون الى عائشة رضى الله عنها فقالت لو علم النبى صلى الله عليه وسلم ما علم عمر رضى الله عنه ما اذن لكن فى الخروج"

Traduction:

“Banne madames ti autorisé pou sorti pou banne namaz. Plutard après quand ça fine vine ene moyen pou tombe dans fitna, alors fine empêche zotte … Et effectivement (Hazrat) ‘Oumar t ti empêche banne madames sorti pou alle masjid. Lors-ça banne madame fine alle faire complainte avec (Hazrat) Aisha r. Lerla li fine dire : Si Nabi r ti (gagne l’occasion) conne ceki (Hazrat) ‘Oumar t fine témoigné (plutard), li pas ti pou autorise zotte sorti."

Plus devant Allaamah Akmal-ud-Deen continué :

"فاحتج به علماؤنا ومنعوا الشواب عن الخروج مطلقا"

"Nou banne ‘Oulama fine servi ça comme ene preuve et fine empêche banne jeunes filles sorti en général sans reserve."

Voila nou ena quatre témoignages de la part de 4 personnages de haute calibre dans différent l'époque ki pé témoigné ki banne Sahaba-e-Kiraam ti empêche banne madames vine faire namaz avec jamaate dans masjid. Li vrai ki zotte pas fine fourni aukene preuve acceptable d'après banne normes et principes établi par banne savants de hadice. Mais li paraite bien bien difficile pou croire ki banne personnages aussi célèbre, intègre, pieux et responsable dire kitchose aussi irresponsable ki pas fondé. Et ça aussi lors banne Sahaba-e-Kiraam. Position très élevé ki zotte occupé dans domaine de Deen de coté connaissance et de coté taqwa (la piété), li ene raison assez fort et valable pou empêche nou ena ene l'impression aussi négatif à l'égard ça banne érudits-là.

Autant ki nou conne zotte, zotte connaissance et zotte la piété pas permette zotte dire ene kitchose de ene l'importance pareille sans vérifié le bien-fondé de zotte déclaration. Donc déclaration dans ene terme nette et clair de la part ça banne érudits-là li ene élément assez satisfaisant pou convainque nou pou croire ki ene kitchose pareille de la part banne Sahaba-e-Kiraam fine bizin arrivé.

الاجماع السكوتى(Al-ijma As-Soukouti)

Couma li probable ki zotte fine base zotte déclaration lors ene genre de ijma ki li ene ti pé particulier. Ça genre de ijma-là appelle الاجماع السكوتى. Dans ça genre de ijma-là, li pas nécessaire ki nou gagne l'opinion de tous banne Sahaba-e-Kiraam lors ene certaine point. Li sufi ki ene ou deux ou ene groupe de Sahaba-e-Kiraam donne ene verdict ou donne ene l'opinion lors ene certaine point. Mais li important ki après avoir gagne connaissance de ça l'opinion-là, personne pas contesté li.

Etant donné ki garde silence sans contesté ene kitchose, surtout dans le cas de banne Sahaba-e-Kiraam, li ene façon pou approuve ça kitchose-là, banne 'Oulama fine considère ça comme ene ijma de la part de tous banne Sahaba-e-Kiraam. Ça genre de ijma-là li ene ijma valable et acceptable ki faire l'autorité selon la pli grande majorité de banne 'Oulama.

Ça genre de ijma-là fine servi impé boucou même dans المغنى (Al-Moughni) de Ibn Qudamah (541H - 620H). Par exemple dans ene place dans Al-Moughni li dire:

"هذه قضية اشتهرت فلم تنكر فكانت اجماعا"

"Ça c'est ene jugement ki fine vine en vigueur en publique mais ki pas fine être contesté. Donc ça fine vine ene ijma."

En ceki concerne le problème "madame vine faire namaz dans masjid", nou ena ene ijma pareil. D'après tendance ki ti prévaloir dans l'époque Sahaba-e-Kiraam, nou remarque ene tendance négatif ki vine impé de tout coté. Depi ki Rassouloullah r fine montré Hazrat Houmaid t ki namaz de ene madame dans so la caze li pli bon, li fine quitte masjid. Et ziska li mort, li fine faire namaz dans la caze même. Hazrat 'Oumar t pas ti satisfait ki so madame alle masjid. Hazrat Aisha t fine exprime so l'inquiétude lors changement de mentalité et de manière ki li fine remarqué et observé dans banne madames. De ce fait, li fine exprime so l'insatisfaction dans ene ton assez sévère concernant l'idée ki madame fréquente masjid. Quant à Hazrat Abdullah Bin Mas'oud t, li ti ene ti pé pli sévère.

Abou Amr Ash-Shaibaani dire:

"رأيت ابن مسعود يحصب النساء يخرجهن من المسجد يوم الجمعة" (مصنف ابن ابى شيبة/ مصنف عبد الرزاق)

"Mo fine trouve (Hazrat Abdullah) Bin Mas'oud (t) batte banne madames coute ti roche pou tire zotte depi dans masjid jour jum'ah."

(Mouswannaf Ibn Abou Shaibah/ Mouswannaf Abdurrazzaaq)

Ceki Hazrat Abdullah Bin Mas'oud t fine faire, li ti faire li dans ene grand masjid à cote faire namaz jum'ah. Parceki ene masjid à cote faire namaz jum'ah, en principe li ene masjid ene ti pé pli grand ki banne masjid ordinaire. Dans ene masjid coumsa, ena dimoune impé boucou même jour jum'ah. Hazrat Abdullah Bin Mas'oud t fine tire banne madames depi dans ene masjid pareil en présence tous banne dimounes. Normalement ça banne dimoune ki ti présent là-bas, c'était banne Sahaba-e-Kiraam et banne Tabeines. Mais personne pas fine oppose Hazrat Abdullah Bin Mas'oud t dans ceki li fine faire. Donc ceki Hazrat Abdullah Bin Mas'oud t fine faire, fine approuvé par silence banne Sahaba-e-Kiraam et banne Tabeines ki ti présent là-bas. Ça donne raison à banne ki dire ki banne Sahaba-e-Kiraam ti favorable avec l'idée empêche madames vine faire namaz dans masjid.

D'après ceki nou conné, jamais ene Sahabi fine oppose l'idée empêche banne madames vine faire namaz dans masjid. Ça fine amène banne 'Oulama conclure ki fine bizin ena ijma lors ça sujet-là de la part banne Sahaba-e-Kiraam.

L'attitude Hazrat Abdullah Bin 'Oumart

Ena ene hadice acote nou trouvé ki Hazrat Abdullah Bin 'Oumar t ti bien en colère avec so garçon quand li ti dire ki li pou empêche banne madames vine masjid. Kikene capave amène ça pou dire ki li pas vrai ki aukene Sahabi pas fine oppose l'idée empêche banne madames vine faire namaz dans masjid. Mais en réalité ceki ti provoque la colère Hazrat Abdullah Bin 'Oumar t, c'était la façon ki so garçon ti adopté pou exprime li. Et ça façon exprimé-là ti paraite pou Hazrat Abdullah Bin 'Oumar t comme ene genre de affront à ça permission ki Rassouloullah r ti accordé. Ene de banne raisons ki capave avancé pou dire ki Hazrat Abdullah Bin 'Oumar t pas ti conte l'idée mais seulement la façon ki so garçon ti exprime li, c'est le fait ki li même personnellement ti empêche so banne madames pou alle assisté namaz Eid et Baqr-Eid.

Hazrat نافع (Nafi') rapporté apropos Hazrat Abdullah Bin 'Oumar t:

"انه كان لايخرج نساءه فى العيدين" (مصنف ابن ابى شيبة)

"Li (Hazrat Abdullah Bin 'Oumar t) pas ti laisse so banne madames sorti (pou faire namaz) de Eidein (Eid-ul-Fitr et Eid-ul-Adha)." (Mouswannaf Ibn Abu Shaibah)

Et pourtant Rassouloullah ti autorise banne madames sorti pou alle assisté namaz Eid et Baqr-Eid. Et ça li paraite pli fort et pli solide ki ça l'autorisation ki zotte ti gagné pou vine assisté banne namaz quotidien. Malgré ça, Hazrat Abdullah Bin 'Oumar t pas fine laisse so banne madames sorti. Tout ça-là montré ki Hazrat Abdullah Bin 'Oumar t ti en colère avec le ton et la façon ki so garçon ti exprime li. Pas avec l'idée en li même.

Couma Hazrat Abdullah Bin Mas'oud t fine tire banne madames depi dans masjid, coumsa même Hazrat Abou Barzah t pas fine d'accord ki madame sorti pou alle masjid. Hazrat Umme Naa-ilah t rapporté ki ene fois Hazrat Abou Barzah t fine rente la caze et fine trouvé ki so Ummul-Walad (ene qualité esclave madame) pas dans la caze. Banne dimoune fine dire li ki li fine alle masjid. Quand li fine retourné, li fine bien crie avec li et fine dire:

"ان الله نهى النساء ان يخرجن وامرهن ان يقرن فى بيوتهن ولا يتبعن جنازة ولا ياتين مسجدا ولا يشهدن جمعة" (الدر المنثور)

"Certainement Allah Ta'ala fine empêche banne madames sorti et fine ordonne zotte pou reste dans zotte la caze et (fine ordonne zotte) pou pas suive janazah ni vine masjid et ni assisté jum'ah." (Ad-Durrul Manthoor)

Ici aussi la déclaration de Hazrat Abou Barzah t pas fine être désapprouvé ou contesté par kikene.

Donc fine ena الاجماع السكوتى de la part banne Sahaba-e-Kiraam lors la question empêche madame vine faire namaz dans masjid parceki banne ki fine empêché, pas fine être désapprouvé ou contesté par lezot.

Le fond de ene raisonnement

Selon ene certaine raisonnement, li paraite vraiment drôle et étonnant pas être favorable a l'idée ki madame vine faire namaz dans masjid. Surtout quand ena l'exemple bannes madames qui fine dresse zotte l'habillement, corrige zotte comportement et ki fine améliore zotte la vie en général, grâce à ça va-et-vient dans masjid-là. Ça c'est ene raisonnement ki paraître assez plausible. Mais nou capave trouve li bon et efficace dans certaine l'angle et dans ene contexte restreint. Si nou analyse ça même kitchose-là dans ene contexte pli élargi, nou pou trouve li autrement. Donc ça quantité-là pas sufi pou donne ene l'opinion et finalise ene prise de position. Banne ki Allah Ta'ala fine honore zotte par le Noor de Baseerah (lumière interne) couma banne fouqaha (juristes), zotte pas contente zotte avec banne l'effets apparent et temporaire pou base zotte l'opinion. Zotte alle ene ti pé pli loin. Zotte analyse position ene pratique dans so pleine réalité. Zotte guette li dans so forme actuelle et aussi à la lumière de ça tournure ki ça capave prend avec passage le temps et avec changement dans mentalité. Zotte analyse li par rapport à ceki li capave vini plutard.

Pou zotte, si ene kitchose li pé paraître bon et pé donne banne résultat positif et favorable, ça quantité-là li pas suffit pou qualifié li de ene pratique correct tanque zotte pas considère li à la lumière de ceki ça capave arrivé ou transformé dans l'avenir. Donc banne ki guette li dans ene façon superficielle, pou trouve drôle et étonnant conclusion banne fouqaha ki zotte fine émette à la lumière zotte clairvoyance, l'expérience et à la lumière zotte l'étude très profond et élargi.

Acoze ça, ena des fois zotte interdit bannes pratiques permissible ki plutard ena chance vine ene moyen tombe dans ceki interdit. Malgré ki ça pratique-là li capave bon en li même et ki capave ena banne résultats favorables aussi. Analyse ene kitchose dans ça façon-là avec les pours et les contres, c'est la Sagesse et le Hikmah. Li pas étonnant si boucou dimoune arrivé pas saisi la sagesse de bannes fouqaha parceki bizin sage pou comprend la sagesse. Malheureusement bien tipé dimoune ki sage.

Interdit ene kitchose ki capave ena so banne l'avantage zisse pou évite so banne désavantages, banne fouqaha reconnaîte ça principe-là par le terme:

"درأ المفاسد اولى من جلب المنافع"

"Evite banne désavantages li meilleur ki gagne l'avantage".

Par exemple si kikene fine gagne ene bon l'emploi dans kit l'établissement avec ene très bon salaire, mais ena aussi ça risque-la ki li capave prend kit vice aussi. Dans ça cas-là tout dimoune sage pou conseille li pas alle travail là-bas parceki vaut mieux li perna narien ki li ena boucou mais avec boucou vices aussi.

Banne Fouqaha fine prend ça principe-là depi dans Qour'aan cote Allah Ta'ala dire:

"يسئلونك عن الخمر والميسر قل فيهما اثم كبير ومنافع للناس واثمهما اكبر من نفعهما ..."

"Banne-là pé dimane ou à propos la boisson alcoolique et jeu de hasard. Dire (zotte) ki ena péchés là-dans couma ena banne l'avantages aussi pou banne dimounes (mais) zotte péchés li plis ki zotte l'avantage…" (V219/S2)

A la lumière de ça verset-là, banne fouqaha fine établi ene principe selon lequel banne l'avantage ki trouve dans ene certaine kitchose, li pas empêche décrète ça kitchose-là haraam si li ena banne désavantages ki couvert so banne l'avantages. Coumsa même nou trouve Imam Boukhari (R) fine applique ça principe-là cote li fine libelle ene chapitre dans ça terme-là: 'chapitre concernant celui ki abandonne ene certaine kitchose ki ena mérite par l'appréhension ki l'esprit dimoune pas capave saisi so porté et zotte tombe dans kitchose ki pli grave.' C'est à dire vaut mieux quitte ene kitchose ki correcte en li même ou bien ki ena so mérite, zisse pou ki ça pas entraîne vers ene kitchose pli grave par mal saisi li ou bien mal comprend li. Dans ça chapitre-là, Imam Boukhari fine amène ene hadice selon lequel Rassouloullah r fine dire:

"... يا عائشة لولا قومك حديث عهدهم بالكفر لنقضت الكعبة فجعلت لها بابين ..."

"O Aisha si to communauté pas ti près avec l'époque de koufr, mo ti pou démolir ka'bah et mo ti pou faire deux la porte pou li…". (Boukhari)

D'après ene l'autre version de ça hadice-là même ki trouve dans Boukhari, Rassouloullah r ti dire ki si li pas ti ena crainte ki banne dimoune pou mal comprend ça, li ti pou démolir ka'bah et li ti pou rebâtir li d'après fondation Hazrat Ibrahim u.

Dans commentaire ça hadice-là, Allaamah Ibn Hajar Al-Asqalaani (R) dire :

"ويستفاد منه ترك المصلحة لامن الوقوع فى المفسدة"

"Capave déduire à partir de là le principe selon lequel bizin abandonne ene l'avantage pou évite tombe dans désavantage."

Dans zotte prise de position contre la pratique banne madame vine faire namaz dans masjid, banne fouqaha fine base zotte lors banne principes établi par Qour'aan et hadice. Et en général zotte inspiré de ça même source dans zotte analyse. Faudré pas prend avec légèreté ceki zotte émette comme l'opinion.

Ene deuxième l'exemple

Le principe selon lequel li important et li nécessaire prend en considération ça tournure ki ene pratique capave prend pli tard avec changement de mœurs et de mentalité avant prononce lors-là, c'est ene principe ki nou capave trouve li fine appliqué en ceki concerne l'interdiction de photographie et sculpture.

Normalement la photographie li pas ene kitchose ki mauvais dans li même. Mais ça fine traverse par plusieurs étapes avant ki li fine prend finalement la forme de l'idolâtrie. Donc si shariah fine empêche la photographie, c'est par rapport à ceki ça capave vini dans l'avenir couma so l'effet néfaste fine déjà fini établi dans le passé aussi.

Allaamah Qurtubi dire :

"انما صور اوائلهم الصور لياتنسوا بروية تلك الصور ويتذكروا افعالهم الصالحة فيجتهدون كاجتهادهم ويعبدون عند قبورهم ثم خلف من بعدهم خلوف جهلوا مرادهم ووسوس لهم الشيطان ان اسلافكم كانوا يعبدون هذه الصور ويعظمونها فعبدوها" (عمدة القارى)

"Banne auparavant ti necque dessine portraits (banne personnages pieux) pou zotte capave gagne la tranquillité par guette ça banne portraits-là et pou zotte capave rappelle zotte banne bonne actions afin zotte capave faire zeffort couma banne-là ti faire. Et zotte ti faire Allah so ibaadat (mais) acote ça banne-là zotte tombes. Pli tard ene l'autre génération fine vini après zotte ki fine échoué pou saisir zotte but (derrière mette portraits banne personnages pieux) et l'autre coté shaitaan aussi fine mette dans zotte le cœur la confusion ki zotte ancêtres ti pé adore ça banne statues-là et zotte ti pé respect zotte. Alors zotte fine commence prié ça banne (idoles-là)." (Umdat-ul-Qaari)

Dans commencement, ki ça ti été et par ki but banne-là ti faire ça et finalement ki tournure ça fine prend! Dans commencement si kikene ti pou lève contre ça, zotte ti pou trouve pas bon parceki c'était ene kitchose ki ti ene source de l'encouragement pou faire dimoune consacré zotte dans Allah Ta'ala so ibaadat. Li vraiment dur et étonnant si kikene lève contre ene élément aussi efficace. Mais si zotte ti prévoir so résultat néfaste, zotte pas ti pou capave reste sans donne zotte l'approbation et sans exprime zotte l'appréciation.

Pou revine avec la pratique madame alle masjid, nou capave pé trouve li correcte avec so banne l'effets assez positif et favorable, mais nou pencore prévoir ceki ça capave arrivé pli tard. Quant à banne fouqaha, zotte ti fine fini prévoir la tournure ki ça capave prend, acoze ça zotte fine être toujours défavorable contre l'idée madame alle faire namaz dans masjid.

Banne Sahaba-e-kiram, banne Tabeines, banne Taba-tabeines et banne Ulamas en général de tout les quatre l'école de pensée fine empêche banne madame alle masjid. Zotte fine être toujours défavorable à l'idée ki madame li sorti dans so la caze pou assisté namaz dans masjid. Ene de banne raisons ki à la base de ça prise de position-là, c'est le fitna ki capave occasionné inévitablement par banne sortie répétée et régulier et le pêle-mêle de sexes opposé. C'est à cause ça, shariah fine ordonne banne madames reste chez zotte dans zotte la caze tanque capave et si jamais zotte ena pou sorti acoze kit nécessité, alors fine ordonne zotte prend banne mesure nécessaire et banne précaution afin pou barre la route à toute sorte de fitna. Par exemple fine ordonne zotte pou bien couvert avec ene bourqah ki pas attirant. Pas mette aukene parfum. Dans certaine cas pou ene ti sortie aussi zotte bizin être accompagné par zotte mahram. Tout ça-là zisse pou pena aukene incident indésirable.

Zordi jour nou capave pretanne fini prend banne mesure de précaution pou pas arrive narien indésirable. Mais li ene vérité ki pas capave être contesté ki malgré tout banne l'arrangement et précaution, nou pas capave pretanne être pli pieux, pli Deendar et pli sérieux ki banne Sahaba-e-Kiram t.

Perna aukene generation pli Deendar ki Sahaba-e-Kiram. Perna aukene l'époque cote Deen fine être pratiqué dans so totalité à 100 pour 100 ki l'époque Rasoulallah r et l'époque banne Sabaha-e-Kiram. Si ena kit l'environnement et l'atmosphère pli favorable pou ene telle l'autorisation, c'est l'environnement et l'atmosphère ki ti prévaloir dans l'époque Rassouloullah r et l'époque de Sahaba-e-Kiram.

Malgré tous ça-là, li paraîte ki Rassouloullah r pas fine autorise ça avec so plein gré. Li fine ouvert ene parenthèse pou faire ressortir ki malgré toute sécurité et la piété de banne Sabaha-e-Kiram, li pli bon ki ene madame faire so namaz dans ene l'endroit pli cachiette ki capave, dans so la caze. Et ça même li ene pli bon namaz pou ene madame et li ena pli boucou récompense là-dans.

Ene incident grave dans l'époque Rassouloullahr

Li pou étonnant pou appranne ki dans ene l'époque pareille, malgré tout so banne précautions, fine ena ene certaine incident. Selon ene hadice authentique ki trouve dans Tirmizi, Hazrat Wa-il t rapporté :

ان امرأة خرجت على عهد النبى صلى الله عليه وسلم تريد الصلاة فتلقاها رجل فتجللها فقضى حاجته منها فصاحت  فانطلق ومر بها رجل فقالت ان ذلك الرجل فعل بى كذا وكذا ومرت بعصابة من المهاجرين فقالت ان ذلك الرجل فعل بى كذا و كذا فانطلقوا فاخذوا الرجل الذى ظنت انه وقع عليها فاتوها فقالت نعم هو هذا فاتوا به رسول الله صلى الله عليه وسلم فلما امر به ليرجم قام صاحبها الذى وقع عليها فقالت يا رسول الله انا صاحبها فقالت لها اذهبى فقد غفر الله لك وقال للرجل قولا حسنا وقال للرجل الذى وقع عليها ارجموه وقال لقد تاب توبة لو تابها اهل المدينة لقبل منهم" (الترمذى)

Traduction :

Dans l'époque Nabi r, ene madame fine sorti pour alle faire namaz. Ene missié fine zoine li et fine enveloppe avec li et fine accomplir  so besoin (sexuel) avec li. Madame-là fine crié et missié-là fine sauvé. Le temps ça ene l'autre missié fine traverse acote ça madame-là. Alors ça madame-là fine dire "ça même missié-là fine faire coumsa-coumsa avec moi". Et li fine traverse cote ene groupe de banne Muhajireen et fine dire "ça missié-là fine faire coumsa-coumsa avec moi". Banne-là fine allé et fine attrape ça dimoune ki ça madame-là ti croire fine gagne relation avec li et zotte fine amène li cote ça madame-là. Madame fine certifié ki li même ça. Alors zotte fine amène li cote Rassouloullah r. Zisse couma Rassouloullah r fine donne l'ordre pou li être lapidé, la personne ki ti gagne relation avec ça madame-là fine dibouté et fine avoué ki c'est li même l'auteur (de ça délit-là). (Lors ça) Rassouloullah r fine dire ça madame-là : ''Allé, Allah Ta'ala fine fini gracié toi ". (Et coumsa même) li fine cause bien avec ça dimoune (ki ti être accusé-là). Et à propos ça dimoune ki ti commette l'action, Rassouloullah r fine donne l'ordre pou lapide li. Mais li fine faire ressortir ki la personne (par avoué so culpabilité volontairement) fine faire ene qualité de taubah ki li ti pou sufi pou être accepté de la part de tous banne habitants de Madinah.''

Ene l'autre incident

D'après ene hadice ki trouve dans As-Sounan Al-Koubra de Al-Baihaqui, Hazrat Abdullah Bin Abbaas t dire :

كانت امرأة تصلى خلف النبى صلى الله عليه وسلم اجمل الناس فكان ناس فى آخر صفوف الرجال فنظروا اليها وكان احدهم ينظر اليها من تحت ابطه وكان احدهم يتقدم الى الصف الاول لا يراها فانزل الله عزوجل الآية "ولقد علمنا المستقدمين منكم و لقد علمنا المستاخرين" (البيهقى)

Traduction :

Ti ena ene madame ki ti ene de pli joli dimoune ki ti pé faire namaz derrière Rassouloullah r. Ti ena banne dimoune dans banne derniers saff (rang) banne zomme. Alors zotte fine trouve li. Ena parmi là-dans ki ti pé louke li depi enbas so le bras couma ena parmi zotte ki ti pé vine dans premier saff pou pas trouve li. Alors Allah Ta'ala fine révèle le verset ''Certainement nou conne bien banne ki vine par devant (dans saff) parmi ou et aussi banne ki reste à l'arrière.''(V24 [S15)

A noté ki ça hadice-là li ene hadice authentique ki paraître dans Tirmizi et Sahih Bin Khuzaimah aussi. Si fine arrive banne incidents pareille dans ça qualité l'époque-là, alors li pas étonnant ki capave arrive plis ki ça encore dans lezot l'époque. Perna aukene garanti ki ça pas pou arrivé malgré nou capave prend tous qualité precaution. Parceki l'essentiel c'est mentalité dimoune ki de plis en plis pé détérioré. Nou pas capave pretanne être mieux ki banne Sahaba-e-Kiram en ce ki concerne mentalité et la piété.

D'ailleurs banne précautions et banne mesures ki ene dimoune prend dans commencement li pas duré trop longtemps. Doucement doucement avec passage le temps commence ena négligence. Et finalement pas reste narien apart quelque chose de routine. Ça tournure ki le système fréquenté avant mariage fine fini prend zordi jour, li pas résultat ene seul jour. C'est après passage boucou le temps nou fine arrive cote nou été zordi. Chaque génération fine supprime quelque chose et fine faire certaine négligence et certaine "concession" et certaine genre de laissez-allez. Et comme résultat zordi jour nou trouve garçon-tifille pe alle partout tout seul sans kit l'empechement et kit hésitation et sans kit objection de la part mama-papa ki fine capave faire ene douzaine hajj aussi. Et ça li roulé pendant des années avant mariage même.

Coumsa même le système madame assisté namaz dans masjid pou prend ene tournure pareille ou bien li fine fini prend ça tournure-là cote pas respecté aukene condition. Comme l'exemple nou ena l'exemple dans Makkah et dans Madinah.

Par M RMeerun