Invite madame pou vine masjid

Couma nou trouvé, Rassouloullah r pas fine encourage banne madames pou vine masjid. Au contraire li fine mette l'emphase lors le fait ki namaz ki zotte faire dans zotte la caze, li boucou pli bon ki ça namaz ki zotte faire li dans masjid Nabawi derrière li même (Rassouloullah r). Ça permette nou dire ki Rassouloullah r fine décourage banne madames vine masjid et fine encourage zotte faire li dans la caze. Mais en principe zotte ti ena droit. Acoze ça Rassouloullah r pas fine prive zotte de zotte droit. Li fine autorise zotte avec certaines conditions. Ça autorisation-là pas ti ene recommandation ni ene l’encouragement. Donc faire campagne a travers causerie, l’affiche, tract ou pamphlet ou bien par organise conférence pou faire madames vine masjid li pas compatible avec le principe de Rassouloullah r. Li en conflit avec le moubaarak Tareeqah et sounnah et principe de Rassouloullah r. Selon ene hadice ki trouve dans Mousnad Imam Abou Hanifah (R), Hazrat Abdullah Bin ‘Oumar t dire :

"ان النبى r رخص فى الخروج لصلاة الغدوة والعشاء ..." (مسند ابى حنيفة)

Traduction:

 “Nabi r ti accorde رخصة (permission) pou banne madames sorti pou namaz Fajar et Esha …” (Mousnad Abou Hanifah)

رخص li sorti depi dans le mot رخصة. D’après Shariah, رخصة signifié ene permission ou ene facilité ki accordé dans ene cas oblige. Par exemple ene dimoune malade ena droit pas garde roza. Donc dans ça cas-là, pas garde roza li ene رخصة. Et garde roza li ene règle général. Et c’est ça même ki Shariah vise pou faire prévaloir dans la pratique. Par contre pas garde roza li pas ene principe en li même. C’est necque ene facilité ki accordé en cas oblige. La permission ki banne madames fine gagné pou alle masjid, fine appelle li رخصة. Ça signifié ki la permission pou alle masjid pou banne madames li pas ene principe en li même. C’est necque ene facilité ki pas mérite faire la tête li pied pou applique li, pareil couma dimoune pas faire la tête li pied pou pas garde roza ou bien pou assizé faire namaz couma dimoune malade. Li faire tout so mieux possible pou faire li couma ene dimoune normal. Coumsa même le règle général et principe ki bizin appliqué, c’est faire namaz dans la caze. Nou bizin traite ça permission-là pareil couma  nou traite ene la loi ki vine en vigueur dans cas oblige. Non pli, nou faire la tête li pied pou applique li. Donc faire la tête li pied et faire campagne pou madame vine masjid, li pas compatible avec l’esprit de Shariah.

Par M R Meerun