Madames dans l'époque Rassouloullah (s.a.w) et Masjid

Dans l’époque Rassouloullah r, banne madames ti pé vine masjid pou faire namaz avec jamaate. Selon ene hadice dans Sahih Boukhari, Hazrat Aisha t dire :

"ان كان رسول الله r ليصلى الصبح فينصرف النساء متلفعات بمروطهن ما يعرفن من الغلس" (البخارى)

Traduction:

"Rassouloullah r ti ena l’habitude faire namaz fajar (dans ene l’heure) ki banne madames, avec zotte figure et zotte le corps bien enveloppés avec zotte chador, ti gagne le temps retourne (chez zotte). Zotte pas ti pé être reconnu à coze la brume ki ena avant faire bien clair." (Boukhari)

Ça hadice-là cote pé montré ki Rassouloullah r ti pé faire namaz fajar bien bonheur, là-bas li pé montré ki banne madames dans l’époque Rassouloullah r ti pé vine faire namaz fajar dans masjid. Mais li bon conné ki ça l’époque-là Rassouloullah r et banne Sahaba-e-Kiraam ti prend tous banne mesures nécessaires pou perna aukene irrégularité ou kit dérapage. Comme mesure de précaution, Rassouloullah r et banne Sahaba-e-Kiraam ti pé reste assize dans zotte place après namaz pendant ene morceau le temps dans le but pou permette banne madames retourne zotte la caze afin pou évite le pêle-mêle dans la rue entre banne missiés et banne madames.

Hazrat Umme Salamah t dire :

"كان رسول الله r اذا سلم قام النساء حين يقضى تسليمه ومكث يسيرا قبل ان يقوم ..." (البخارى)

Traduction:

"Quand Rassouloullah r ti pé faire salaam, alors au moment ki li ti pé termine so salaam, banne madames ti pé fini dibouté (pou retourné). Et li (Rassouloullah r) ti pé attane ene ti peu avant li dibouté …" (Boukhari)

Ça mesure de précaution-là montré ki shariat pas autorise le pêle-mêle entre missiés et madames. Ça li applique quand même zotte bien couvert et zotte à l'intérieur de masjid ou bien en dehors masjid. De toute façon, shariat fine décourage tout élément ou tout system ki favorise pêle-mêle entre les deux sexes. Par exemple pas ti gagne droit mette banne parfum et banne l'habillement attirants et tout autre chose ki provoque ou attire l'attention.

Banne namaz ki banne madames ti autorisé vine masjid dans l'époque Rassouloullah (s.a.w)

"اذا استأذنكم نساءكم بالليل الى المساجد فأذنوا لهن" (البخارى)

Traduction:

"Quand ou madames dimane ou permission pou alle masjid dans la nuit, alors donne zotte la permission." (Boukhari)

Donne permission pou alle masjid veut dire donne permission alle masjid pou faire namaz. Et dans la nuit signifié dans ene l’heure ki faire noir couma dans l’heure Maghrib, Esha et Fajar. Donc ici Rassouloullah r pé recommande pou laisse banne madames sorti pou alle faire namaz Maghrib, Esha et Fajar si zotte dimane ene permission pareil.

L’autorisation pou banne madames alle masjid, li appliqué zisse dans la nuit ou bien li appliqué dans li jour aussi?

D'après ça hadice-là, li paraite ki l'autorisation pou alle masjid li applique pou banne namaz ki faire dans noir couma namaz, Maghrib, namaz Esha et namaz Fajar.

Nou ena ene l'autre interpretation selon laquelle l’autorisation-là li applique en général pou tous banne namaz. Parceki ena banne hadice ki pas faire mention de "بالليل" (dans la nuit). Et banne hadice ki fine mentionne "بالليل" (dans la nuit), li pas dans le but pou exclure banne namaz ki faire dans la journée. Au contraire selon ça l’interprétation-là, "بالليل" capave servi comme ene preuve pou autorise banne madames sorti pou tous banne namaz. Parceki si fine autorise zotte sorti dans la nuit ki paraite risquant pou banne madames, alors dans li jour à cote perna ça risque-là, li pou bizin pli permette pou laisse zotte sorti. Donc d'après ça interprétation-là, zotte gagne droit sorti pou tout namaz.

Selon la première interprétation, Rassouloullah r fine recommande pou autorise zotte dans la nuit. “Dans la nuit” selon ça interprétation-là li ene condition pou ça l’autorisation-là. Ça signifié ki ça l’autorisation-là pas pou appliqué pou banne namaz ki faire dans la journée couma namaz Zohar et Assar et aussi pou Jum'ah.

Quant à banne hadices ki pas fine mentionne ça condition-là, ça condition-là li sous-entendu là-dans. Parceki c’est necque ene seul Sahabi nommé Hazrat Abdullah Bin ‘Oumar t ki fine rapporte ça. Banne ki fine rapporte ça-là avec li, ena ki fine abrége li couma ena ki fine détaille li.

Dans ene situation coumsa, selon banne principes établi par banne savants de hadices, ene hadice abrégé bizin comprend li et bizin applique li d’après so forme et version détaillée. Donc ici, banne hadices ki pas fine mentionne “dans la nuit” bizin comprend li et applique li à la lumière banne hadices ki fine mentionne li.

Imam Boukhari (R) fine montré ça tendance-là parceki li fine servi le hadice ki mentionne "بالليل" (dans la nuit) pou prouvé ki perna salaat-ul-Jum’ah lors banne madames. D’après li, ça hadice-là li montré ki zotte ti ena l’autorisation pou banne namaz ki faire dans noir. Non pli banne namaz ki faire dans la journée. Allaamah Ibn Hajar (R) dire :

"والذى يظهر انه جنح الى ان هذا المطلق يحمل على هذا المقيد" (فتح البارى)

"Li paraite ki li (Imam Boukhari) fine incline vers le fait ki bizin interprète le hadice ki li en forme générale à la lumière ça l’autre hadice ki ena condition (là-dans)."

(Fathul-Baari)

Hazrat Nafi’, ene de banne narrateurs ki fine rapporte ça hadice-là de Hazrat Abdullah Bin ‘Oumar t, dire :

"انما ذلك بالليل "

"Ça (autorisation-là) li appliqué necque dans la nuit."

D’après la version ki الشعبى (Ash-Sha’bi) fine rapporté, Hazrat Abdullah Bin ‘Oumar t dire :

"ان النبى r رخص فى الخروج لصلاة الغدوة والعشاء للنساء" (مسند ابى حنيفة)

"Nabi r ti faire concession pou banne madames dans (laisse zotte) sorti pou namaz dans le matin et namaz Esha." (Mousnad Abou Hanifah R)

Le mot رخص ki signifié “faire concession” pé donne indication ki sorti pou alle faire namaz dans masjid, en principe, li ene kitchose interdit. Si ça ti permette depi avant, pas ti pou ena aukene utilité faire concession. Alors Rassouloullah r ti faire concession pou banne madames capave sorti pou alle faire namaz dans masjid. Et ça concession-là, banne madames fine bénéficié li dans l’heure gramatin et le soir. Ça veut dire ki sorti dans banne lezot l’heure namaz, ti reste interdit couma li ti été auparavant. Si kikene fine inclure namaz Maghrib aussi dans l’autorisation ki Rassouloullah r ti accordé, c’est peut-être à coze le mot "بالليل" aussi fine être rapporté ki signifié “dans la nuit”. Le terme “dans la nuit” couma li applique pou namaz Esha, li applique pou namaz Maghrib aussi parceki islamiquement parlant, la nuit li commence à partir couché du soleil. Donc d’après ça hadice-là et hadice ki Hazrat Nafi’ fine rapporté de Hazrat Abdullah Bin ‘Oumar t, banne madames ti gagne l’autorisation pou seulement banne namaz ki faire dans noir couma namaz Fajar, Maghrib et Esha. Et ça même ki Hazrat Nafi’, Imam Boukhari et banne Fouqaha (juristes) en général fine comprend.

Ki faire l’autorisation ti accorder seulement dans la nuit seulement ?

Selon Al-Hidaayah, ene livre de fiqh (jurisprudence) par Sheikh Bourhaanud-Deen Ali Bin Abu Bakr (511H - 593H), l’autorisation et permission sorti pou alle masjid ki banne madames ti bénéficié pou namaz Maghrib, Esha et Fajar c’était à coze ki dans ça l’époque-là zotte ti ena sécurité dans ça banne l’heures-là. C'est-à-dire dans l’époque Rassouloullah r, banne madames ti autorisé alle masjid pou namaz Maghrib, Esha et Fajar à coze ki zotte ti capave allé-vini sans expose zotte dans public. Et dans ça banne l’heure-là pas ti ena banne voyous ou banne malfaiteurs ki ti capave représente ene danger pou ça banne madames-là. Dans ene certaine mesure, la nuit ti ene garantie et ene moment de sécurité pou banne madames. Acoze ça fine attache l’autorisation avec la nuit. Sinon la nuit ou li jour na perna aukene différence. L’essentiel c’est sécurité. Si longtemps dans la nuit ti ena sécurité, zordi jour li pas coumsa. La nuit et li jour, tous les deux fine vine pareille en ceki concerne fitna, tentations et l’insécurité. Donc couma dans l’époque longtemps madames pas ti ena droit alle masjid dans li jour à coze l’insécurité, jordi jour li bizin pas gagne droit alle masjid dans la nuit et dans li jour tous les deux. Li bon conné ki zordi jour la nuit li pli dangereux ki li jour. Donc pas capave servi mention de la nuit pou autorise banne madames vine dans masjid.

Banne conditions ki bizin respecté

Rassouloullah r ti autorise banne madames vine masjid pou namaz Maghrib, Esha et Fajar avec certaines conditions. Ça veut dire ki si ene de ça banne conditions-là manqué la-dans, alors ça autorisation-là pas pou appliqué. L’idée principale derrière tous ça banne conditions-là, couma nou conné, c’était pou empêche et barre la route à tous banne éléments ki capave crée fitna ou capave vine ene danger pou ça banne madames ki pé sorti-là, ou bien ene source de tentations pou ça banne zommes ki vine masjid. Banne conditions couma pas mette parfum, pas mette l’habillement attirant, bizin bien couvert entier le corps couma la tête figure ziska li pied, et faudré pas ça nécessite le pêle-mêle avec banne zommes étrangers dans la rue. Coumsa même pas mette ene l’habillement ki collé avec le corps en sorte ki ça laisse forme le corps paraite.

Selon ene hadice ki trouve dans Sahih Mouslim, Rassouloullah r ti adresse banne madames dans ça terme-là :

"اذا شهدت احداكن المسجد فلا تمس طيبا"

“Quand kikene parmi ou vine masjid, faudré pas li mette parfum.”

Et concernant ene madame ki mette parfum et vine masjid, Rassouloullah (s.a.w) fine dire :

"... فلا تشهد معنا العشاء الآخرة" (مسلم)

“… Alors li pas bizin présent avec nou dans namaz Esha.” (Sahih Mouslim)

Pou donne ene l'idée de ça gravité ki ça madame-là fine commette, Rassouloullah r fine dire :                 

"... لم تقبل لها صلاة حتى تغتسل" (ابن ماجه)

“… Tanque ki li pas baigné, aukene namaz pas compté pou li.” (Ibn Maajah)

Concernant la façon ki banne madames bizin adopté quand zotte sorti, Rassouloullah r fine dire :              

"(... ولكن يخرجن وهن تفلات ..." (ابو داؤد

“… Mais faudré zotte sorti sans mette parfum …” (Abou Dawood)

Après avoir respecté tous banne normes et banne conditions, là aussi l’endroit pli idéal et pli bon pou banne madames faire namaz, c’est zotte la caze. Selon ene hadice ki trouve dans Sounan Abou Dawood, Rassouloullah r fine dire :

"... وبيوتهن خير لهن" (ابو داؤد)

“… Et (malgré tout ça-là) zotte la caze li pli bon pou zotte”. (Abou Dawood)

Pas seulement pli bon ki faire li dans masjid, mais li pli bon ki faire li dans masjid Nabawi et ça aussi derrière Rassouloullah (s.a.w)

Par M R Meerun