Eski obligé laisse banne madames alle masjid?

"لا تمنعوا النساء من الخروج الى المساجد بالليل" (مسلم)

“Pas empêche banne madames sorti pou alle masjid dans la nuit”. (Mouslim)

Explication: Dans ça hadice-là Rassouloullah r pé ordonne banne responsables pas empêche banne madames alle masjid dans la nuit. En principe, ziska preuve du contraire, li obligatoire pou exécute l’ordre Rassouloullah r parceki Allah Ta’ala fine ordonné pou obéir et suive l’ordre Rassouloullah r.

"يايها الذين امنوا اطيعوا الله واطيعوا الرسول ..."

"O banne ki fine amene Imaan, obéir Allah et obéir le prophète (Rassouloullah r) …"(S4/V59)

Pas zisse ça, Allah Ta’ala fine ziska même déclare l’obéissance Rassouloullah r couma so propre l’obéissance.

"من يطع الرسول فقد اطاع الله ..."

"Celui ki fine obéir Rassouloullah r, alors (absolument) li fine obéir Allah …"(S4/V40)

Selon ça principe-là li paraite tout à fait normal ki banne responsables bizin obligé laisse banne madames alle masjid pou faire namaz. Zotte pas gagne droit empêche banne madames alle masjid. Malgré ça, banne ‘Oulama en général, zotte dire ki ça li pas obligé lors ene responsable. Le responsable ena droit refusé aussi. Parceki selon banne ‘Oulama, ça l’ordre ki Rassouloullah r fine donné, li ene recommandation seulement. Li pas ene l’ordre obligatoire. A titre exemple, nou ena ene citation ki dire:

"يستحب للزوج ان ياذن للزوجة اذا استاذنته للصلاة فى المسجد اذا كانت عجوزا لا تشتهى وامن المفسدة عليها وعلى غيرها فان منعها لم يحرم عليه ذلك وهذا قول عامة العلماء" (موسوعة الاجماع فى الفقه الاسلامى لسعدى ابى جيب)

"Li recommandé pou ene missié donne so madame permission pou alle faire namaz dans masjid quand ça (madame-là) dimane li permission, si li dans l'age ene quantité ki li nepli ressenti aukene désir sexuel et quand ena garanti pou ça madame-là et pou lezot contre banne risques. Mais si li empêche li, alors ça empêché-là li pas haraam lors li. Et ça c’est l’opinion banne ‘Oulama en général."

(Encyclopédie lors consensus dans jurisprudence islamique par Saadi Abou Jaib)

D’après ça consensus-là, li seulement recommandé. Et ça recommandation-là aussi li lié à cinq conditions :

Faudré ki madame-là dimane permission;
Faudré ki madame-là li ene vieux madame;
Faudré ki madame-là li tellement dans ene l’age avancé ki li nepli ena aukene désir sexuel;
Faudré ki perna aukene risque à prendre concernant ça madame-là de la part lezot et
Ni ena kit risque concernant lezot (de la part ça madame-là).

D’après ça consensus-là, nou trouvé ki ene missié li ena droit refuse so madame sorti pou alle masjid malgré li capave ena tous banne conditions favorables ki permette li sorti. Quand li ena droit, ça veut dire ki li pas haraam si li empêche li. Ça signifié ki ene missié pou ena encore pli droit et raison empêche so madame sorti si li pas satisfaire ene de ça banne conditions-là. Au contraire, dans certaine cas, li pou bizin exige so droit et so l’autorité comme ene maître de la maison et pas laisse so madame sorti. Comme ene bon missié responsable ki souciant du bien-être de so la caze, li bizin empêche so madame. Et li pou dans toute légalité dans prend ene décision pareille.

Imam Al-Baihaqui (384H - 458H), après avoir mentionne ene hadice rapporté par Hazrat Umme Houmaid As-Saa-idiyyah t, dire dans so As-Sounan Al-Koubra :

"وفيه دلالة على ان الامر بان لا يمنعن امر ندب واستحباب لاامر فرض وايجاب وهو قول العامة من اهل العلم"

"Et là-dans (dans hadice Umme Houmaid t) ena indication ki l’ordre pou pas empêche zotte (sorti pou alle masjid) li ene l'ordre de recommandation. Li pas ene l’ordre obligatoire. Et ça c’est l’opinion de banne ‘Oulama en général."

(As-Sounan Al-Koubra par Al-Baihaqui)

Allaamah An-Nawawi (631H-677H) dire dans so Al-Majmou' :

"وان ارادت المرأة حضور المسجد للصلاة قال اصحابنا ان كانت شابة او كبيرة تشتهى كره لها وكره لزوجها ووليها تمكينها منه وان كانت عجوزا لا تشتهى لم يكره" (المجموع شرح المهذب)

"Si ene madame oulé assisté namaz dans masjid, alors nou banne savants fine dire ki si ça madame-là li ene jeune madame ou bien li ene vieux madame ki encore ena désir sexuel, alors ça li makrouh pou li. Et (coumsa même) li makrouh pou so missié et so responsable donne li l'occasion faire ça. Si li ene vieux madame ki nepli ena désir sexuel, alors li pas makrouh." (Al Majmou' - commentaire lors Al Mouhazzab)

Lors ki zotte fine base zotte pou dire ki laisse banne madames sorti pou alle masjid li pas obligatoire ?

En principe quand ene l’ordre vine de coté Rassouloullah r, alors bizin exécute li. A moins si ena kitchose ki montré ki ça l’ordre-là li pas ene l’ordre obligatoire. En ceki concerne l’ordre autorise banne madames alle masjid, lors ki preuve banne ‘Oulama fine capave base zotte pou dire ki li pas obligatoire ? Ena plusieurs hadices ki donne banne ‘Oulama raison dans jugement ki zotte fine faire. D’abord nou ena le hadice dans Sounan Al-Baihaqui par Umme Humaid t ki ti alle guette Rassouloullah r dans le but pou reproche zotte banne missié ki pas laisse zotte madames alle masjid pou faire namaz. Hazrat Umme Humaid t dire :

"يا رسول الله انا نحب الصلاة تعنى معك فيمنعنا ازواجنا"

"O Messager d’Allah (r) Nou content faire namaz c'est-à-dire avec ou mais nou banne missiés empêche nou." Lors ça Rassouloullah r fine repone :

"صلاتكن فى بيوتكن خير من صلاتكن فى دوركن ..."

"Ou namaz ki ou faire dans ou la chambre à couché li meilleur ki ou namaz (ki ou faire) dans la cour ou la caze …"

Rassouloullah r pas fine faire aukene remarque lors l’attitude banne missiés. Ça montré ki banne missiés zotte ena parfaitement raison et droit dans empêche zotte madames alle masjid pou faire namaz. Si ça empêché-là pas ti permette et banne missié pas ti ena ça droit-là, alors Rassouloullah r pas ti pou tolère zotte. Li intéressant à noté ki banne missié fine gagne parfaitement raison par l’approbation Rassouloullah r dans empêche zotte madames ki fine oulé alle faire namaz :

Dans Masjid-e-Nabawi, à cote ene namaz li équivaut plis ki mille namaz ailleurs;
Derrière Rassouloullah r;
Dans ene l’époque ki qualifié de meilleur l’époque;
Dans ene climat et ene l’environnement à cote la piété et Deendaari ti lors so sommet;
Dans ene climat de Taqwa et la piété ki le ciel jamais fine gagne l’occasion témoigné lors ça la terre-là. Et peut-être jamais li pou gagne ça chance-là.

Si ça c’était le cas dans ene l’époque pareille, li pas nécessaire faire aukene commentaire lors ceki li bizin été dans l’époque ki nou pé vive acote l’indécence, bestialité, animosité, ferocité et l’immoralité pé faire ravage et fine dévasté tous banne normes et banne valeurs morale. Si kikene dire ki cote l’époque fine vini, li obligatoire lors banne responsables empêche zotte banne madames alle masjid, alors zotte pou ena parfaitement raison. Ça décision-là li encadré et corresponne avec l’esprit de Deen. Parceki droit ki ene madame ti gagné dans l’époque Rassouloullah r pou alle faire namaz dans masjid, ti necque ene permission. Laisse obligatoire, li pas ti même recommandé aussi. Li ti necque ene pratique ki ti toléré avec certaines conditions. Dans ene hadice rapporté par Hazrat Umme Salma t, Rassouloullah r dire : "خير مساجد النساء قعر بيوتهن" (صحيح ابن خزيمة/مسند احمد)

"Meilleur l’endroit pou faire namaz pou banne madames (c’est ene l’endroit ki trouve) à l’intérieur de zotte la caze." (Sahih Ibn Khuzaimah/Mousnad Ahmad)

Ça hadice-là montré ki Rassouloullah r ti pli content ki banne madames faire zotte namaz dans ene l’endroit pli cachiette dans zotte la caze. Faire namaz dans masjid pou banne madames, li pas seulement pas obligatoire, li même pas ene façon ki ti apprécié par Rassouloullah r. Donc ça hadice-là aussi li capave servi comme ene preuve pou banne ‘Oulama en général ki dire ki li pas obligatoire laisse banne madames sorti pou alle faire namaz dans masjid.

Par M R Meerun