BANNE CONDITIONS KI RANNE ENE ZANIMO HALAAL :

(Language: Creol)

Premièrement pour ene zanimo vine halal d’abord bizin guette ca zanimo-la en li même.

a)      Li bizin ene zanimo ki gagne droit consommé. Ou capave lire entier Quraan avant ou coupe zanimo-la ou bien ou capave coupe zanimo-la dans Haram Shareef mais sa li pas faire ene zanimo vine halal si li pas ene zanimo ki gagne droit consommé.

b)      Zanimo-la bizin vivant quand pe coupe li. Akoze sa bizin vérifié bien le voltage si pe servi choque électrique etc.

c)      Ena 4 la veine ki traverse dans la gorge. Deux ki transporte di sang et ene troisième pour nourriture et ene quatrième pour l’air. Bizin coupe au moins trois la dans pour zanimo la vine halal.

d)      Bizin assuré ki zanimo-la fini mort avant mette li dans de l’eau chaud pour déplumée et nettoyage etc.

Deuxièmement nous bizin guette la personne ki pe faire zabah.

a)      Li bizin ene musulman sunni. Li bizin pas ene quadiani ou ene shia.

b)      Li bizin sain d’esprit.

c)      Li bizin assez grand ki permette li comprend et conne banne conditions et règlements concernant zabah.

d)      Li bizin lire Bismillah ene quantité fort ki au moins li même li capave tendé. Pense Bismillah dans le cœur li pas suffit.

Troisièmement nous bizin guette le moyen ki pe servi pour faire zabah.

• Bizin servi ene kitsoz futé (par exemple couteau) et li bizin passe lor la gorge ca zanimo-la a travers pression exercée par ene musulman, non plus par la machine.

Par Le President de JUM

Moufti M.Ruffick Meerun