Donne trois talaaq ene seul coup

Quand kikene donne trois talaaq ene seul coup, li compte trois talaaq même. Sa même kitchose ki tous banne Sahaaba (r.a) fine comprend. Sa même kitchose ki Hazrat `Oumar (r.a) fine comprend. Sa même verdict et fatwa Hazrat `Abdoullah Bin `Abbaas (r.a) fine donné. Sa même kitchose tous les 4 Imaam fine comprend. Si nou dire 3 talaaq compte ene seule talaaq, sa veut dire ki Hazrat `Oumar (r.a) pas fine comprend Qour'aan et Hadice. Sa veut dire ki Hazrat `Abdoullah Bin `Abbaas (r.a) pas fine comprend Qour'aan et Hadice. Sa veut dire ki tous les 4 Imaam pas fine comprend Qour' aan et Hadice.

Ena impé là! Sa banne-là pas fine comprend Qour'aan et Hadice mais ene zenfant hier ki peut-être pas conne coumanière respect so Oustaad déclare comprend sa pli bien. Après vine dire ki na perna `Alim à Maurice.

Tout sa la c'est banne prétexte pour dévié banne dimoune du droit chemin. Sa parole ki pas suive aukene mazhab c'est ene mazhab en li même. Li pas ene l'ordre Allah Ta'ala. Li pas ene l'ordre Rasouloullah (s.a.w). Rasouloulla (s.a.w) fine dire " attrape, fermement le principe de banne Khoulafa-E-Rashideen. " Hazrat `Oumar ti ti parmi banne Khoulafa-E-Rashideen. Li même fine comprend ki trois talaaq à la fois compte 3 talaaq même. Rasouloullah (s.a.w) ti faire ene doah spécial en faveur Hazrat `Abdoullah Bin `Abbaas (s.a.w) "O Allahl Accorde li la connaissance de Kitaab (Qour'aan) et la sagesse".

Sa même Hazrat `Abdoullah Bin `Abbaas (s.a.w) ti fine comprend ki 3 talaaq compte trois même.

Par M R Meerun

Hazrat `Oumar (s.a.w) ti ene `alim ou soit pas ti ene `alim? Hazrat `Abdoullah Bin `Abbaas (s.a.w) ti ene `alim ou soit pas ti ene `alim? Sa banne question-là banne ki ena respect pour 'ilm (connaissance) et `Oulama même pour capave repone bien. Quant à banne ki na perna adab et respect, li ene gaspillage pour pose zotte banne questions pareilles. Parole de Ishq c'est banne aashiq ki comprend!