1. Avale kitsoz pendant namaaz. 2. Couma pou faire si wouzou fine casser dans namaaz?

Question ID: 
5
Naz*** asks:

Question

Ass. 1.Eski si nourriture ou bien miswaak meme fine tasse entre nou les dents et qui nou fine avale li pendant namaaz,eski namaaz casse 2.Si wudhu casse quand nou pe faire namaaz,nou cpv refaire wudhu sans qui nou cause avec personne ensuite continuer nou namaaz.Dans sa cas la comment bizin faire?eski nu bizin refaire Allah-u-Akbar et continuer dans position qui nou ti ete ou bien comment bizin faire. 3.si nou wudhu finne casse apres premier sajdah,eski nu bizin refaire premier sajdah ou bien nou continuer lors deuxieme sajdah.

Answer

Wa alaikoum salaam No 1:- Si ene dimoune fine mette ene kitchose dans so la bouche et li fine mange li pendant ki li pé faire namaz, kitchose-là gros ou bien tipti dans n’importe ki façon, so namaz pou cassé. Mais si li fine mange ene kitchose ki fine tasse entre so banne le dents sans tire li en dehors, alors si li pli tipti ki ene la grain gramme so namaz pas pou cassé. Au cas contraire so namaz pou cassé. No 2 :- Si ene dimoune so wazou fine cassé involontairement pendant namaz, alors li pou ena deux choix, soit li refaire so wazou et li recommence so namaz depi commencement. Ça nous appelle li Isteenaaf en arabe. Mais ena ene l’autre façon selon lequel li capave alle faire so wazou et continué so namaz depi cote li ti arrêté. Ça deuxième façon-là appelle Bina et li bien compliqué parceki ena boucou banne condition ki bizin respecté. Acoze ça, banne Oulama-e-Kiraam zotte conseille pou faire Isteenaaf (recommencé). No 3 :- Ene sajdah complété quand ene dimoune fini lève la tête ziska ki li vine près avec position assizé. Si so wazou fine cassé avant ki li arrive ça quantité-là, li pou bizin refaire premier sajdah, sinon li commence avec deuxième sajdah. A noté ki li pena pou refaire takbeer tahreema parceki li déjà dans namaz.