Clarification on the fasting of the 2 Muftis on the 30th Ramadhaan

Question ID: 
2176
Wel***@gmail.com asks:

Question

Assalamu'alykum warahmatullahi wabarakaatuh

Honorable Ulama e kiraam,

Suite à plusieurs vidéo ki pe circuler lor réseaux sociaux concernant sujet la lune Eid. Notamment Mr C. Meeah et Mr Rohim fine adresse zotte l'audiance cot zot pe faire déclaration ki sa 2 Mufti Tabligh ki ti dans Hilal Committee la pas fine garde roza lor 30 ème jour de Ramadan et zot ena preuve pou soutenir zot allégations. Zot fine aussi dire ki li ti haraam pou garde roza sa jours la, et sa 2 Mufti-là in met dimoune dans l'égarement.
Premièrement, mo question c'est, est-ce qui nous banne ulama de JUM capave donne ene éclaircissement lor sa sujet-là?

Deuxièmement, si saki sa deux orateur-la pe dire li pas vraie, eski c'est pas ene accusation ki zotte fine faire contre sa deux Mufti la ?

Nous envie conne la vérité afin nous capave conné si capave faire confiance sa banne qualité orateur-la dans l'avenir.

Answer

Wa alaikumussalaam warahmatullaahi wabarakaatuh

D’après confirmation ki nous fine gagner, tous les deux mufti ti observe Roza pareille couma tous dimoune quand fine annoncé ki témoignage pas fine être considéré le 30ème jour de Ramadhan.

Dans ce cas, li pou être considéré comme ene accusation de la part de ça deux orateurs ki fine faire sa déclaration-la sans produire la preuve, et zotte pou bizin assume zotte responsabilité devant Allah ta’aala. Si ça deux orateurs-la ena témoins, alors zotte capave amène banne témoins la ou bien lezotte preuves ki zotte dire zotte ena dans zotte disposition pou prouvé ki saki zotte fine proclamé, li vraie. Si zotte pas réussi prouver, alors a ce moment-là li pou difficile pou capave faire zotte confiance encore. Ki Allah Ta’aala guide zotte vers le droit chemin.

Approved by:
(Mf) Uthmaan
For the Jamiatul Ulama of Mauritius