The message of the Ambiyaa

Question ID: 
2213
tab***@info.com asks:

Question

Aslm Mufti Sahab
Dans jamaat souvent nu tander ki Allah fine envoye bane Nabi AS uniquement pou done dawaat lor Kalimah Tawheed.
Pas pou montrer commerce - etc etc coter dunya.
Par contre nous trouver ensam avec Kalima Tawheed,
Prophet Hud AS fine done dawaat contre oppression et arrongance + Tawheed
Prophet Lut AS contre Sodomie + Tawheed
Prophet Shuaib contre malhonete dans business
Etc ETC
Kan pe dire ki fine envoye bane Nabi AS unikma pour faire dawaat tawheed, somewhere li pas 100% corek
Your reply wil highly appreciated
Jazakallah

Answer

وعليكم السلام ورحمة الله وبركاته

Dans bayaan, quand dire ça parole-là "Banne Ambiya (Alaihimoussalaam) fine être envoyé uniquement pou faire da'wah tawheed", l'objectif de ça parole-là, c'est pas pou denié banne lézot messages ki zotte fine améné couma empêche malhonnêteté dans business, sodomie, etc. mais l'objectif de ça parole-là c'est plutôt pou montré ki but principal c'était pou tire zotte peuple dans Shirk, Koufr et l'amour dounya et pou invite zotte vers tawheed et Aakhirat. Cest-à-dire but principal de tout banne Ambiya (Alaihimoussalaam) c'était da'wah vers Kalimah Tawheed. Dans Qour'aan-e-kareem, ena place Allah Ta'ala fine mentionne zotte zistoire en détail et fine montré banne péchés de zotte peuple apart Shirk et Koufr. Mais ena place, Allah Ta'ala fine mentionne zisse péché Shirk et koufr pou montré ki ça li pli grave et ça li ti commun dans tous banne peuple. Allah Ta'ala dire:

1. Nous pas fine envoye, avant toi, aucaine messager excepté ki Nou fine révéle vers li ki perna aucaine ilaah (dieu) apart Moi, alors faire mo ibaadat. (S21:25)

2. Et définitivement, Nou fine envoye Nooh (Alaihis Salaam) vers so peuple (avec message): Certainement, mo ene avertisseur clair pou zotte. Ki zotte bizin faire Allah so ibaadat seulement...(S11:25-26)

3. Et vers 'Aad (Nou fine envoye) zotte frère Hood (Alaihis Salaam). Li fine dire: O mo peuple, faire Allah so ibaadat, zotte perna aucaine ilaah (dieu) apart Li. Zotte purement banne inventeur. (S11:50)

5. Et vers Thamood (Nou fine envoye) zotte frère Swaalih (Alaihis Salaam). Li fine dire: O mo peuple, faire Allah so ibaadat, zotte perna aucaine ilaah (dieu) apart Li...(S11:61)

Couma nou trouvé dans ça banne aayat-là, Allah Ta'ala fine mentionne da'wah vers tawheed seulement pou montré ki c'était ça même message principal de banne Ambiya (Alaihimoussalaam).

Donc, quand banne frère dans jamaat mentionne ça parole-là, zotte l'intention c'est pas pou dénié banne lézot message apart Tawheed, mais zotte l'intention c'est pou montré ki banne Ambiya (Alaihimoussalaam) pas fine vini pou construire dounya, mais plutôt pou connecté banne dimoune avec zotte Rabb.

Answered by:
(Mf) Abdul Haadi
For the Jamiatul Ulama of Mauritius