Working in restaurants that may sell doubtful food

Answer

Wa alaikumussalaam

Permissibilité travail cote banne place couma KFC et McDonald’s etc. pou dépanne lor qualité produit ki entreprise la vendé et aussi lor qualité travail ki dimoune la faire.

Si restaurant-la vanne la viande non-halaal, la viande ki pas fine égorgé islamiquement, ou bien li vanne pork, alors li pas pou permissible pou travail dans ene place pareil dans so departement cuisson, préparation, service, la vente, la caisse, livraison, management etc. parcequi sa li considéré comme quoi li pe assister zotte dans faire péché et dans consomme haraam.

Sinon si ene branche de sa banne entreprise la li complètement halaal certifié selon standard Shariat et li pas ena pork/alcohol, alors certains postes pou capave permissible pou travail.

Si travail-la pas directement connecté avec nourriture haraam, par exemple li travail dans maintenance bâtiment, réparation externe, certains travail IT, etc., alors la, certains ulamaa fine donne permission avec conditions.

Maintenant, si dimoune la dans difficulté financière et li pas pe gagne ene lotte travail immédiatement, alors li bizin faire z’effort cherche ene travail halaal au plus vite possible et pas reste permanentement dans sa qualité travail-là.

Checked and approved by:
(Mf) Uthmaan
For the Jamiatul Ulama of Mauritius