Evaluation zakaat lor bijou

Answer

Nou bizin guette valeur l’or ki fine servi là-dans et aussi nou bizin prend compte valeur main d’œuvre. Donc nou bizin base li lors valeur l’or travaillé. Disons si valeur l’or li Rs 900/ mais valeur l’or travaillé li Rs1300/ gramme, alors nou bizin calcule nou zakaat lors valeur Rs 1300/. Par exemple ene bague en or li pèse 3 grammes. Si nou calcule l’or ki fine servi là-dans, li pou tombe nou Rs2700/. Mais si nou calcule li avec so main d’œuvre li pou tombe nou Rs3900/-. Donc nou bizin tire zakaat lors Rs3900/. Ça li basé lors ene masla ki tous banne ‘Oulama conne ça par Mas’alat-ul-Ibreeq. D’après ça masla-là si ene broque en argent li pèse 200 dirham (approximativement 612 grms) mais acoze so main d’œuvre so valeur li 300 dirham, alors tous banne fouqaha (juristes) unanime ki bizin base li lors 300 dirham quand pé tire zakaat non plus 200 dirhams. A moins si pé tire so zakaat avec l’argent (chandi) même lerla pou bizin base li lors 200 dirhams. Ça masla-là li existé dans banne livres de fiqh depi longtemps. Li pas ene innovation de banne ‘Oulama à Maurice couma dimoune pé envi faire croire. Si Nabi (s.a.w) so l’époque ti pé guette poids au lieu valeur c’est acoze ki la monnaie dans ça l’époque-là ti en dirham et deenaar ki ti en argent et en or respectivement. Normalement quand ena pou donne zakaat pou ene objet en or avec l’or même ou pou ene objet en argent avec l’argent même, alors pou considère so poids même. De nos jours nou pas servi l’or ou l’argent pou tire nou zakaat, alors nou bizin considère valeur ça objet-là...... وأجمعوا أنه لو أدى من خلاف جنسه أعتبرت القيمة حتى لو أدى من الذهب ما تبلغ قيمته خمسة دراهم من غير الإناء لم يجز في قولهم ....... (الفتاوى الشامية) ........« Banne fouqaha (juristes) zotte unanime lors le fait ki si li donne so zakaat avec ene l’autre جنس (espèce), alors la valeur ki pou être considéré. Conséquemment si li pé donne zakaat (pou ene objet en argent ki so valeur li 300 dirham mais so poids li 200 dirham) avec ene quantité l’or ki so valeur li équivaut 5 dirham, alors li pas pou valable d’après zotte tous. » (Shaami)....... Valeur ene marchandise li déterminé par dimension de demande ki ena lors marché de la part banne consommateurs. Donc valeur ene marchandise bizin calculé lors ça prix ki banne commerçants vendé avec banne consommateurs. C’est ça même ki appelle retail price ou prix ene détail. Et ça même ceki nou appelle prix lors marché. Ça prix ki ene consommateur capave gagné pou ene objet ki li ena, li pas ene prix stable. Prix stable c’est ça prix ki banne consommateurs capave gagné lors marché en général. Donc quand nou envi conne valeur ene bijou ki nou ena en nou possession, nou bizin guette ça prix ki ene bijoutier pou vanne ça avec nou. C’est ça même so prix lors marché. Et c’est ça même ki bizin considéré pou évalué ene objet ou ene l’article ou bien ene marchandise. Non pli ça prix ki nou pou gagné si nou vanne ça avec ene bijoutier. D’ailleurs c’est 1/40 de ene richesse ki ena zakaat ki ene riche bizin dispose ça à banne pauvres. Ena deux façon pou faire li : Soit li tire 1/40 de ceki li ena et li donne ça à ene pauvre ou bien li donne li ene quantité la monnaie ki li capave gagne ça 1/40 là depi lors marché. Par exemple si ene dimoune ena 40 souverains, alors li bizin donne ene souverain même ou bien so valeur ki permette le bénéficiaire gagne li lors marché. Et ça valeur-là li bizin ene prix ki ça pé vendé lors marché cote bijoutier. Li pas capave ça prix ki li pou gagné si li vendé avec ene bijoutier. Donc l’essentiel dans donne zakaat c’est accorde le bénéficiaire le pouvoir d’achat de 1/40 de ene richesse zakaatable! Ça li pou réalisé quand nou évalué li lors prix ki ene bijoutier pé vanne ça.