Sunnat et Nafil

La dernière partie de la nuit

Ene ou zenfant ki pé vive à l'extérieure depi ene bon boute le temps fine décide finalement pou passe so vacance chez ou. Li fine mette ene date ki li supposé vine maurice. Ou commence attane li impatiemment. Ou commence compte jour. Ou trouve jour pé tardé pou vini. Ou ti à content ki ça jour-là vine jordi même. Ou ti envi ça jour-là galoupé. Pourtant si jour pé galoupé, ou la vie aussi pé galoupé et la vie ou zenfant aussi pé diminué. Mais ou pas conne narien parceki ou oulé trouve ou zenfant divant ou lizié pli vite ki capave.

Sounnat avant namaz Zohar

Avant faraz de namaz zohar ena 2 rakaat ou bien 4 rakaat sounnat? Ena hadice ki dire Rassouloullah ‎(Sallallaahou A'laihi Wasallam)‎ ti pé faire 2 rakaat couma ena hadice ki dire ki Rassouloullah ‎(Sallallaahou A'laihi Wasallam)‎ ti pé faire 4 rakaat. Mais pli boucou hadice faire mention de 4 rakaat. Et la plupart du temps, Rassouloullah ‎(Sallallaahou A'laihi Wasallam)‎ ti pé faire 4 rakaat.

Salaat-ud-Doha

Salaat-ud-Doha c'est ene namaz nafil ki varié entre deux à huit rakaat. D'après certaine hadice li dire ziska 12 rakaat aussi. Ça namaz-là faire dans gramatin. Le mot doha même signifié ça l'intervalle ki trouve entre levé du soleil ziska avant istiwaa. C'est-à-dire avant ki soleil complète so la moitié trajet.

Namaz Tahajjud avec jamaat

Faire namaz Tahajjud avec jamaat dans ramadhaan ou en dehors ramadhaan, li makrouh tahreemi. Parfois parfois si fine faire li avec ene jamaat de 2 ou 3 personnes sans organisé et sans donne invitation, alors dans ce cas li permette. Coumsa même faire namaz Awwabeen après Maghrib couma dimoune ena l'habitude faire dans certaine l'occasion avec jamaat li, makrouh tahreemi.

[Extrait de Al Jamiat Vol.2 No.11]

Faire les deux sounnat de fajar toute suite après Soubh Swadiq

Q : Eski gagne droit faire les deux sounnat de fajar toute suite quand azaan fini donné après Soubh Swadiq?

Sounnate de Fajar

Question: Mo fine rate mo sounnate de fajar. Eski mo capave remplace li après faraz?

Reponse: Non, pas gagne droit remplace li après faraz. Plutot remplace li après soleil levé juska zawaal. Après zawaal pas pou capave remplacé.

Rassouloullah ‎(Sallallaahou A'laihi Wasallam)‎ fine dire: "Celui ki pas fine faire deux rakaates (sounnate) de fajar ki li faire li apres ki soleil levé." (Tirmizi)

Alle reflechi...(Tahajjoud avec Jam'ate)

A: Eski to capave prouve moi ki namaz Tahajjoud pas gagne droit faire avec Jam'ate? Seulement pas amene l'opinion Imaam ou bien parole dimoune.

B: Bé ki preuve to oulé mo amené?

A: Amene hadice. Sa aussi li bizin ene hadice authentique.

B. Toi, eski to capave montré moi ene hadice authentique?

A. Ene tas mo capave donne toi.

B: Mais mo gagne droit dire ki li pas authentique! Et toi aussi to pas amene l'opinion Imaam ou bien parole dimoune pou dire ki li authentique.

A: Bé- bé- bé...

Syndicate content