Façon madame faire namaz

Façon lève la main dans takbeer tahreemah

عن وائل بن حجر رضى الله عنه قال قال رسول الله صلى الله عليه وسلم يا ابن حجر اذا صليت فاجعل يديك حذاء اذنيك والمرأة تجعل يديها حذاء ثدييها (الطبرانى)

Traduction

 (Hazrat) Wa-il Bin Hujr (t) fine rapporté ki Rassouloullah (r) fine dire: O' Ibn Hujr quand to faire namaz, faire to la main vine même hauteur avec to deux zoreilles. Et ene madame li faire so la main vine ziska cote so sein''. (Tabraani)

Position hadice et explication :

Selon le مجمع الزوائد (Majma-uz-Zawaa-id) de الهيثمى (Al-Haithami), tous banne narrateurs dans sanad ça hadice-là zotte banne narrateurs authentiques apart ki ena ene narrateur nommé ام يحيى بنت عبد الجبار (Umm Yahya Bint Abdul Jabbar) ki li inconnu. Mais le fait ki ça fine adopté par banne 'Oulama, li ene indication ki ça hadice-là li ene hadice correcte. Imam Tirmizi, Imam Al-Baihaqi, Imam Abou Bakr Al-Jassaas, Imam Jalaluddeen As-Souyouti, zotte tous fine adopté ça critère-là pou qualifié ene hadice de ene hadice sahih quand même li capave faible de par so sanad.

Allaamah Bin Al-Houmaam dire dans so Fathul-Qadeer:

"ومما يصحح الحديث ايضا عمل العلماء على وفقه"

Traduction

"La pratique banne 'Oulama ki en accord avec ene hadice, li ene de banne éléments ki capave servi pou authentifié ça hadice-là.''

C'est-à-dire parfois nou trouve ene hadice ki li capave faible par rapport à so sanad. Mais nou trouve la pratique de banne Sahaba-e-Kiraam, tabeines, taba-tabeines li en accord avec ça certaine hadice-là. Ça capave servi li comme ene indication pou dire ki ça hadice-là li ene hadice authentique.

Par exemple concernant Salaat-ut-Tasbeeh, nou perna aukene hadice authentique. Mais le hadice faible ki fine rapporté lors ça sujet-là fine qualifié de ene hadice authentique par Imam Al-Baihaqui lors la base ki ça fine être pratiqué par Hazrat Abdullah Bin Al-Moubaarak et banne personnages pieux en général.

A la lumière de ça principe-là, nou capave considère le hadice Hazrat Wa-il Bin Hujr (y). D'ailleurs perna narien grave dans hadice ki Hazrat Wa-il Bin Hujr fine rapporté apart ki li ena ene Rawi ki inconnu dans so sanad. Ça ene ti faiblesse ki fine capave causé par présence ça inconnu-là, li remédié et enlevé par soutien ki li bénéficié à travers la pratique de banne Tabéines couma Hazrat A'ta, Zuhri, Hammad, Hafsa Binte Seereen etc.

D'après ça hadice-là, nou trouvé ki madame so façon lève la main dans takbeer tahreemah, li pas pareil couma ene missié lève so la main. Ene madame li lève so la main dans hauteur so l'estomac.

Fatwa Hazrat A'ta (R)

"عن عطاء سئل عن المرأة كيف ترفع يديها فى الصلاة قال حذو ثدييها" (مصنف ابن ابى شيبة)  

Traduction:

''Kikene fine dimane Hazrat A'ta concernant la façon ki ene madame supposé lève so la main dans namaz. Alors li fine dire (ki li lève so la main) dans hauteur so l'estomac.''

(Mouswannaf Ibn Abou Shaibah)

" عن ابن جريج قال قلت لعطاء اتشير المرأة بيديها كالرجال بالتكبير؟ قال لا ترفع يديها كالرجال واشار فخفض يديه جدا وجمعهما اليه وقال ان للمرأة هيئة ليست للرجل" (مصنف عبد الرزاق) 

Traduction :

Ibn Juraij rapporté : Mo fine dimane A'ta eski ene madame li supposé lève so deux la main couma banne zommes (levé) dans takbeer (tahreemah)? Li fine dire ki li pas supposé lève so la main couma banne zommes. Et li (Hazrat A'ta) fine démontré ki manière li supposé lève so la main. (Dans ça démonstration-là) li fine bien baisse so la main et li fine ramassse li avec so le corps et (après ça) li fine dire : Certainement ene madame li ena ene posture ki li pas (pareil couma) ene zomme. (Mouswannaf  Abdurrazzaaq)

D'après le fatwa de Hazrat A'ta, ena différence entre posture madame et posture zomme. Si zomme li écarte so la main quand li lève so la main pou takbeer tahreemah, ene madame li lève li sans écarte so la main. Apart ça ene madame li garde so la main bien en bas ziska cote so l'estomac. D'après ene l'autre fatwa ki trouve dans le Mouswannaf  Abdurrazzaaq, Hazrat A'ta fine dire:

"تجمع المرأة يديها فى قيامها ما استطاعت"

''Ene madame li ramasse so la main tanque ki capave dans so posture diboute''.

Ibn Qudaamah dire dans Al-Moughni :

"الاصل ان يثبت فى حق المرأة من احكام الصلاة ما ثبت للرجال لان الخطاب يسثملها غير انها خالفته فى ترك التجافى لانها عورة فاستحب لها جمع نفسها ليكون استر لها ..."

"En principe tout règlement namaz ki appliqué pou banne zomme, li appliqué pou ene madame aussi parceki commandement-là li inclure li (madame) aussi. Apart ki li (madame-là) supposé faire le contraire de ene zomme par pas écarte li parceki li ene kitchose ki bizin cachiette. Donc li recommandé pou li ki li ramasse so le corps afin ki ça façon-là li vine ene moyen pou pli cachiette li…"

Fatwa Imam Zuhri

عن الزهرى قال ترفع يديها الى منكبيها (مصنف ابن ابى شيبة)

Az-Zuhri dire ki ene madame li supposé lève so deux la main ziska so deux zépaule".

(Mouswannaf Ibn Abou Shaibah)

Explication:

D'après ça fatwa-là, ene madame li lève la main ziska so zépaule. Et d'après fatwa de Hazrat A'ta, li supposé lève li ziska so l'estomac et d'après ene l'autre fatwa de Hazrat A'ta, li lève so la main ziska cote so ventre. Malgré tout ça-là li pas ene contradiction ki pas capave expliqué. L'essentiel dans tous ça-là, c'est ki li bizin pas écarte so la main. Lève la main ziska cote l'estomac ou bien lève ziska cote zépaule ou bien ziska cote ventre, c'est différent façon et différent formule pou explique ene seul kitchose. Tout ça-là zisse pou montré ki ene zomme li lève so la main ziska so zoreille mais madame li lève li ziska cote so l'estomac ki normalement batte entre so ventre et so zépaule. Alors ça même kitchose-là, kikene fine appelle li cote vente et kikene fine appelle cote zepaule.

Fatwa de Hammaad (R)

"عن حماد انه كان يقول فى المرأة اذا استفتحت الصلاة ترفع يديها الى ثدبيها" (مصنف ابن ابى شيبة)

"Hammaad (R) ti ena l'habitude donne fatwa concernant ene madame quand li pé commence namaz ki li lève so deux la main ziska so l'estomac".

(Mouswannaf Ibn Abou Shaibah)

La pratique Hazrat Umm-ud Dardat

"عن عبد ربه بن سليمان بن عمير قال رأيت ام الدرداء رضى الله عنها ترفع يديها فى الصلاة حذو منكبيها"(جزء رفع اليدين للامام البخارى )

Traduction:

"Abd Rabbih Bin Soulaimaan Bin Umair dire: Mo fine trouve (Hazrat) Umm-ud Darda t lève so deux la main dans namaz dans hauteur so deux zépaules".(Juz Raf-ul-Yadain de Imam Boukhari)

Explication:

La pratique ki ti prévaloir dans l'époque Sahaba-e-Kiraam et de Tabeines montré ki ti ena différence entre la façon madame lève la main et ene zomme lève la main au moment takbeer tahreemah couma le célèbre faqeeh (juriste) du premier siècle Ata' Bin Abou Rabaah fine faire ressortir :

"ان للمرأة هيئة ليست للرجل"

"Certainement madame li ena ene posture ki pas pareil couma posture zomme".

Rassouloullah r fine qualifié madame de عورة ki signifié ene kitchose ki bizin reste cachiette. D'après ça principe-là, ene madame li bizin comporte li dans so banne activités, mouvements, postures et dans so façon d'agir en sorte ki tanque capave, li pas expose li. Dans lève la main ziska so l'estomac avec so la main costé ek so le corps, ene madame li moins exposé ki quand li lève so la main ziska so boute zoreille couma ene zomme faire. La pratique lève la main ziska l'estomac li pli compatible et pli corresponne avec constitution ene madame ki fine qualifié de عورة par Rassouloullah r. Donc c'est ça même façon lève la main dans takbeer tahreemah ki pli approprié pou ene madame d'après shariah.

A noté ki dans banne postures namaz, la façon pli approprié pou ene madame, c'est la façon ki li moins exposé là-dans. A la lumière de ça hadice-là, ene madame li supposé ramasse so le corps au lieu écarte li dans so banne postures.

Façon faire sajdah pou madame

"ان رسول الله صلى الله عليه وسلم مر على امرأتين تصليان فقال اذا سجدتما فضما بعض اللحم الى الارض فان المرأة ليست فى ذلك كالرجل (مراسيل ابى داؤد)

Traduction

"Rassouloullah r fine traverse acote deux madames ki ti pé faire namaz. Alors li fine dire zotte: Quand zotte faire sajdah, laisse ene partie la chaire dans zotte le corps touche la terre parceki madame li pas pareille couma ene zomme là-dans."

(Maraasil Abou Dawoud)

Position hadice:

Yazeed Bin Abou Habeeb fine rapporte ça hadice-là de Nabi r. Yazeed Bin Abou Habeeb li ene tabei. Donc ça hadice-là li ene hadice Moursal. Ene hadice Moursal li ene preuve valable d'après Imam Abou Hanifah (R), Imam Malik (R), et Imam Ahmad (R). Ibn Jareer dire:

"اجمع التابعون باسرهم على قبول المرسل ولم يات عنهم انكاره ولا عن احد من الائمة بعدهم الى راس المائتين"

Traduction:

"Tous banne tabeines sans exception fine toujours d'accord lors la validité (hadice) Moursal. Pas fine ena aukene objection de la part de kikene parmi zotte ni de la part de kikene parmi banne Imam ki fine vine après zotte ziska la fin deuxième siècle."

Ça montré ki en principe ene hadice Moursal ti toujours valable au près de banne Salaf. C'est necque Imam Shafeï (R) ki fine mette en question la validité de hadice Moursal comme ene preuve. Mais d'après li aussi, ça li pas applique pou tout qualité Moursal. Ene Moursal ki bénéficié soutien de ene l'autre Moursal ou bien de ene hadice faible, li vine comme ene preuve solide ki permette li servi comme ene preuve d'après Imam Shafeï et banne savants de hadice aussi. Ça Moursal-là li bénéficié l'appuye de deux hadices. Ene ki rapporté par Hazrat Abdullah Bin 'Oumar t et deuxième ki rapporté par Hazrat Abou Said Al Khudri t. Apart ça nou ena banne fatwa de la part de banne Sahaba-e-Kiraam et banne Tabeines aussi. Donc li satisfaire tout banne critères ki permette li servi comme ene preuve d'après tous banne savants y compris Imam Shafeï (R).

Hadice Hazrat Abdullah Bin 'Oumar t

"قال رسول الله صلى الله عليه وسلم اذا جلست المرأة فى الصلاة وضعت فخذها على فخذها الاخرى واذا سجدت الصقت بطنها فى فخذيها كاستر ما يكون وان الله تعالى ينظر اليها ويقول يا ملئكتى اشهدكم انى قد غفرت لها" (سنن البيهقى)

Traduction:

Rassouloullah r fine dire: Quand ene madame li assize dans namaz, li bizin pose so la jambe lors so l'autre la jambe et quand li faire sajdah, li colle so ventre avec so deux la jambe dans ene façon pli cachiette ki capave. Certainement Allah Ta'ala li assisté li (avec ene bon regard) et li dire (avec so banne farishta): O mo banne farishta! Mo faire zotte témoin ki mo fine gracié li." (Sounan Al-Baihaqui)

Hadice Abou Said Al Khudrit

"... وكان يامر الرجال ان يتجافوا فى سجودهم ويامر النساء يخفضن فى سجودهن (سنن البيهقى)

Traduction:

"… Et li (c'est a dire Nabi r) ti pé ordonne banne zommes pou zotte écarte zotte dans sajdah et ti pé ordonne banne madames ki zotte ramasse zotte le corps dans sajdah …"

(Sounan Al-Baihaqui)

Li bon conné ki selon Imam Al-Baihaqui, ça deux hadice-là zotte pas banne hadice authentique. Mais ça aussi li ene vérité ki posture madame dans sajdah li pas basé uniquement lors ça deux hadice-là même. Si ça deux hadice-là pas capave servi comme ene preuve, au moins li capave servi comme soutien et renfort pou le hadice Moursal ki fine rapporté par Yazeed Bin Abou Habeeb. Dans l'ensemble, zotte vine assez fort pou capave servi comme ene preuve.

Fatwa Hazrat Alit

"عن على قال اذا سجدت المرأة فلتحتفز ولتلصق فخذيها ببطنها (مصنف عبد الرزاق)

Traduction:

"Quand ene madame faire sajdah, li bizin ramase so le corps et li bizin costé so deux la jambe avec so ventre." (Mouswannaf Abdurrazzaaq)

Fatwa Hazrat Abdullah Bin Abbaast

"عن ابن عباس انه سئل عن صلاة المرأة فقال تجتمع وتحتفز" (مصنف ابن ابى شيبة)

Traduction:

"Hazrat Abdullah Bin Abbaas t fine être interrogé apropos la façon ki ene madame bizin faire namaz. En réponse Hazrat Abdullah Bin Abbaas t fine dire: Li bizin ramasse so le corps et li bizin costé-costé so banne membres du corps ene avec l'autre." (Mouswannaf Ibn Abou Shaibah)

Explication:

Selon Hazrat Abdullah Bin Abbaas t, ene madame so le corps li bizin pas écarté couma ene zomme so le corps été dans namaz. En principe ene madame li bizin reste cachiette. Donc dans namaz aussi li bizin faire so banne postures en sorte ki so le corps li pas exposé. Pou capave garde so le corps cachiette et pas expose li, tanque possible li bizin ramasse so le corps.

Fatwa Ibrahim An-Nakh-ï (R)

"اذا سجدت المرأة فلتلزق بطنها بفخذها ولا ترفع عجيزتها ولا تتجافى كما يجافى الرجل"(مصنف ابن ابى شيبة)

Traduction:

"Quand ene madame faire sajdah, alors li bizin colle so ventre avec so la jambe. Li bizin pas lève so la hanche ni li bizin écarté couma ene zomme écarté." (Mouswannaf Ibn Abou Shaibah)

Deuxième Fatwa de Ibrahim An-Nakh-ï (R)

"عن ابراهيم قال كانت تومر المرأة ان تضع ذراعها وبطنها على فخذيها اذا سجدت ولا تتجافى كما يتجافى الرجل لكى لا ترفع عجيزتها (مصنف عبد الرزاق)

Traduction: "Ibrahim An-Nakh-ï (R) dire ki madame ti pé gagne l'ordre pou pose so le bras et so ventre lors so la jambe quand li faire sajdah. Et ti pé gagne l'ordre pou pas écarté couma ene zomme écarté pou ki ça pas nécessite lève so la hanche."

(Mouswannaf Abdurrazaaq)

Explication:

Ibrahim An-Nakh-ï (R) ti ene grand tabei. Li fine gagne l'époque de banne Sahaba-e-Kiraam. C'est ene l'époque ki qualifié de Khairul-Qouroune (les meilleurs des époques) par Khairul-Bashar (meilleur insaan i.e Rassouloullah r). D'après la déclaration de Ibrahim An-Nakh-ï (R), banne madames ti gagne l'ordre pou pas faire sajdah pareil couma zomme faire. Ti gagne l'ordre pou ramasse so le corps tanque capave quand li faire sajdah pou ça pas nécessite lève so la hanche. Donc pose la main et ventre lors la jambe dans sajdah, c'est la façon faire sajdah ki pli approprié et recommandé pou ene madame et ki approuvé depi l'époque banne Sahaba-e-Kiraam et banne Tabeines. Ene kitchose ki fine approuvé dans ça banne l'époques-là, li bizin ene kitchose ki fine recommandé par Rassouloullah r. Donc ça façon faire sajdah-là li la façon pli approprié et pli recommandé pou ene madame.

Fatwa Hazrat A'ta Bin Abou Rabaah (R)

"... فاذا سجدت فلتضم يديها اليها وتضم بطنها وصدرها الى فخذيها وتجتمع ما استطاعت(مصنف عبد الرزاق)

Traduction: "… Et quand li c'est-à-dire ene madame li faire sajdah, li bizin costé so deux la main avec so le corps et li costé so ventre et so l'estomac avec so la jambe. Li ramasse so le corps tanque capave." (Mouswannaf Abdurazzaaq)

Explication: A'ta Bin Abou Rabaah (R) fine mort en l'année 117 Hijri à l'age de 88 ans. Li fine gagne l'honneur reste avec banne Sahaba-e-Kiraam ki fine permette li conne de près la pratique de banne Sahaba-e-Kiraam. Le fatwa ki li fine donné concernant la façon ki ene madame bizin faire namaz, li indique la pratique ki ti prévaloir chez banne Sahaba-e-Kiraam. Ça amène nou pou comprend ki faire namaz dans ene telle façon pou banne madame, li ene façon ki ti en vigueur dans l'époque banne Sahaba-e-Kiraam. La pratique en vigueur chez banne Sahaba-e-Kiraam, li narien l'autre apart ceki Nabi r fine enseigné. Donc ça permette nou dire ki faire namaz dans ene telle façon, c'est l'enseignement de Nabi r.

L'attitude Imam Mujahid (R)

"عن مجاهد انه كان يكره ان يضع الرجل بطنه على فخذيه اذا سجد كما تضع المرأة (مصنف ابن ابى شيبة)

Traduction:

"Fine rapporté a propos Mujahid ki li pas ti content ki ene zomme pose so ventre lors so la jambe quand li faire sajdah pareil couma ene madame (pose so ventre lors so la jambe)."

(Mouswannaf Bin Abou Shaibah)

Explication:

D'après ça récit-là, ene zomme pas bizin pose so ventre lors so la jambe quand li faire sajdah. Ça façon faire sajdah-là c'était la façon ki ene madame ti pé faire. Et ça même façon ti reconnue dans l'époque Moujahid ki ti ene tabei et ki ti gagne l'honneur reste ene bon boute le temps en compagnie Hazrat Abdullah Bin Abbaas t. Li fine aussi rapporte hadice avec Hazrat Aisha t. Donc l'attitude Mujahid li indique ene ti pé ceki ti prévaloir en général dans ça l'époque ki Rassouloullah r fine qualifié li de meilleur l'époque.

Fatwa Hazrat Hassan Basri (R)

"عن الحسن قال المرأة تضطم فى السجود" (مصنف ابن ابى شيبة)

"Fine rapporté apropos Hassan (Al-Basri R) ki li fine dire ki ene madame bizin ramasse so le corps dans sajdah." (Mouswannaf Ibn Abou Shaibah)

Explication:

Hazrat Hassan Basri (R) ti ene grand tabei ki fine gagne la chance trouve 120 Sahaba-e-Kiraam. Li ti dans ene l'époque ki la plupart banne Sahaba-e-Kiraam ti encore vivant. Le fatwa ki li fine donné concernant la façon ki ene madame bizin ramasse so le corps dans sajdah, li reflecte la pratique ki ti en vigueur en général dans ça l'époque-là.

Fatwa Hazrat Qatadah (R)

عن الحسن وقتادة قالا اذا سجدت المرأة فانها تنضم ما استطاعت ولا تتجافى لكى لا ترفع عجيزتها(مصنف عبد الرزاق)

Traduction:

"Fine rapporté apropos Hazrat Hassan Al-Basri (R) et Hazrat Qatadah (R) ki zotte fine dire: Quand ene madame li faire sajdah, li supposé ramasse so le corps tanque ki li capave et li bizin pas écarté pou ki li pas bizin soulève so la hanche."

(Mouswannaf Abdurazzaaq)

Explication:

Qataadah li ene tabei ki fine mort en 117 Hijri. Selon ça tabei-là quand ene zomme li faire sajdah, li écarte so le corps. So deux la main reste à l'écart de so deux flancs. So ventre reste à l'écart de so la jambe. Selon ça tabei-là, ena différence entre posture ene zomme et ene madame. Tous les deux pas pareil.

*****

A la longue de tout ça explication-là, nou fine remarqué ki dans l'époque banne Sahaba-e-Kiraam et banne tabeines, zotte tous ti conné ki posture madame dans namaz li pas pareil couma posture ene zomme. Et banne fatwa de la part banne tabeines zotte amene nou pou comprend ki c'était ene pratique tout à fait normal ki ti toujours en vigueur depi l'époque Sahaba-e-Kiraam et tabeines. Et ça li renforci position banne hadice ki fine être rapporté dans ça sens-là. Couma ça amène nou pou comprend ki le hadice cote Nabi r fine dire:

"صلوا كما رأيتمونى اصلى"

"Faire namaz pareil couma ou fine trouve moi faire."

li pas applique pou banne madame. Banne Sahaba-e-Kiraam et banne tabeines pas fine comprend ça hadice-là dans ça façon-là. Donc li pas correct pou servi ça hadice-là pou dire ki perna différence dans posture zomme et posture madames.

Posture madame dans Qaidah

Hadice Hazrat Abdullah Bin 'Oumar t

"عن ابن عمر انه سئل كيف كن النساء يصلون على عهد رسول الله صلى الله عليه وسلم قال كن يتربعن ثم امرن ان يحتفزن (مسند ابى حنيفة)

Traduction

Fine dimane (Hazrat Abdullah) Bin 'Oumar (t)couma banne madames ti pé faire namaz dans l'époque Rassouloullah r. (En réponse) li fine dire: zotte ti pé croise zotte li pied (quand zotte ti pé assizé). Mais après ça, zotte fine gagne l'ordre pou ramasse zotte le corps ene coté." (Mousnad Imam Abou Hanifah (R))

Explication:

Ça hadice-là c'est ene preuve ki madame bizin ramasse so le corps quand li assize dans Qaidah. C'est-à-dire li assize lors so la hanche gauche et li tire so lipied acoté droite. Li bizin toujours ramasse so le corps et ça même façon assizé li sounnat pou madame.

Par M R Meerun