Banne veuves ki assise cot masjid

Question

Assalaamu 'Alaikum Wa Ra'hmatullaah Plusieurs parmi nou fine surement remarquer ki dan vendredi apres salaat Jumu'ah, ena banne madames (veuves agees pour la plupart du temps) ki amasser devant banne masjids pu demande chariter. Malgre tou le respect et soucis ki nou bizin ena envers zot, n'empeche ki li pas parait korek ki nou bane mamans/soeurs en Islam bizin vinne demande chariter devant masjid....ce qui malheureusement donne l'impression ki nou societer finne neglige sa banne dimoune la, alors ki nou koner ki ena Baitul-Maal ki operer un peu partou dan banne masjid et zot suposer resoude sa banne types de problemes la. Li navrer pou faire ressortir ki des fois ena banne cas d'abus c'est-a-dire ki parfois sa banne dimounes la pe deja beneficier d'ene aide de zot masjid mais quand meme zot al mendier devant masjid dans ene lot region! (1) Eski nou pa ti kapav implemente/trouve ene solution a sa problem la? (2) Par example eski la direction de banne masjids respectif pa ti bizin renseigne avek sa banne dimoune kine vine demande chariter la pou koner si zot pa pe deza beneficier du service Baitul-Maal? Et par la suite trouve ene solution si vraiment zot pe bizin ene aide (3) Eski li pa ti necessaire ki nou ena ene base de donnee national kot responsables de banne Baitul-Maal kapave gagne acces pou koner sipa ene dimoune pe deza beneficier de Baitul-Maal depuis ene certaine Masjid ou non? Sa aussi pou permette resoud problem d'abus ou meme mieux canalise l'argent du Baitul-Maal! Mo conscient ki sa sujet la imper sensible et mo demande excuse en avance si ena erreur dans mo jugement ou facon penser. Jazaak-Allah khair Wassalaam Mohammad