Eski JUM approuve Khatam?

Question ID: 
715

Question

aslm mo pas mean pou critiquer mais mo dans ene confusion.. ena environ 50+ ulama dan jum et sakene ena zot lopinion ki nou bizin respecter.. mai selman o nivo publique eski tou ulama pa ti sipozer done fatwa de jum? mo pe dir sa acoz mone gagn discussion avec ene kikene dan famille lors khatam.. mone dir ki jum pa approuv khatam et moi mo suive jum (mo pa conner si jum so lopinion ine changer lors la mais mo rappelle mo ti lire imP dan sa sens la ki fason ki maurice fine adopter dan khatam pas bon etc.. ) kan mo ine dir la personne sa li dir moi "ki to pe cozer toi? moi mo ine alle dan comie khatam et mo ine trouve plusieurs Ml ki membre jum pe faire khatam la zotte meme" li ine dir moi ene deux zot noms mais mo pas ti envi mentionne li et li pas ok aussi... mo question eski jum approuve khatam? si pas approuver ki faire ena Ml ki membre jum zot faire khatam? eski jum pa bizin mette li claire devant tou Ml ki jum pas approuve sa? si zot membre pas capav suive zot propre stand couma nou pou suive zot???

Answer

Wa laikumus salaam. JUM so stand li bien claire et nous pas fine changé aussi et nous pas approuve sa pratique la. Tous banne Ulama zot déjà au courant de sa. Ceki certaine pe capave faire li pas bon dans nous connaissance. Nous capave re mette sa au claire divant banne Ulama dans nous rassemblement ki nous pour faire Insha Allah. Ou continié suivre saki JUM dire. Ceki certaine pe faire contre JUM li pe mal faire et li pou prend so responsabilité divant Allah.