Purification de l’ame

Racine de tous banne péchés c'est dureté le coeur. Quand le coeur vine dure, à ce moment-là la personne li vine insouciant et li pas pense Allah Ta'ala. Sa donne l'occasion à banne caractère indésirable prend place dans l'intérieur ki de temps à autre attire la personne vers la bestialité.

Rasouloullah ‎(Sallallaahou A'laihi Wasallam)‎ fine démontré sa dans ene hadice cote li fine dire:- "Certainement ena ene morceau la chaire dans le corps humain. Quand sa gaté, entier le corps gaté. Quand sa dressé, entier le corps dressé - Certainement sa morceau là c'est le coeur." (Boukhari)

Donc l'abstention de péchés pas capave réalisé sans purifier et nettoye le coeur. La purification le coeur vine ene réalité par l'aide et tawfeeq Allah Ta'ala ki normalement gagné en restant dans la compagnie de banne personnages pieux.

 Rasouloullah ‎(Sallallaahou A'laihi Wasallam)‎ fine dire:-"Ene personne li ena manière so camarade intime. Alors chacaine parmi zotte bizin guetté ki sanla ki li pé fréquenté." (Ahmad, Bayhaqi et Daar Qoutni)

[Extrait de Al Jamiat Vol.1 No.1]