Akhlaaq-Tasawwuf

To ene esclave

Eski to conné ki to été? Tout ça tapage ki to faire là. To capave ene ministre, premier ministre, président ou ene le roi. To capave n'importe quoi. Mais eski to conné ki to ene esclave ? Tou ça patron ou bourgeois ki to déclaré-là mais to pou reste toujours ene esclave. To pou vive couma ene esclave et to pou mort comme ene esclave. Jamais to pou capave libère toi de ca esclavage-là. Aster reste à savoir ki qualité esclave to été. Si to pas ene esclave pou Allah, alors to pou bizin ene esclave quelque part pou kikene.

Hubbuddounia

Hubbuddounia veut dire attachement mondain. Quand ene dimoune attache so le cœur avec dounia, alors ça crée banne maladie couma la gourmandise, l'orgueil, la jalousie etc. Et ça banne maladies-là li induire la personne dans banne péché grave couma vol, viol, crime ki ranne la société invivable. Pou remédié tous banne problèmes ki ena dans la société bizin cherche ene moyen pou traite le «Hubbuddounia» ki selon Nabi r li racine de tout péché. Ça capave être remédié par développe l'amour pou aakhirat avec l'aide ene ki ena ça l'amour-là dans li.

L'importance observe Sounnat de Nabi ‎(Sallallaahou A'laihi Wasallam)‎

« Faire Qailullah (la sieste) avec l’intention pou observe sounnat de Nabi ‎(Sallallaahou A'laihi Wasallam)‎ li meilleur ki des milliers de milliers nuits ki fine capave passé dans tahajjud mais ki pas ti faire d’après sounnat de Nabi ‎(Sallallaahou A'laihi Wasallam)‎. » (Hazrat Sheikh Ahmad Sarhindi R)

[Extrait de Al Jamiat Vol.7 No.11]

Vraiment mouttaqui

Vrai taqwa li trouve dans pas faire péché quand ene dimoune li tout seul cote personne pas pé guette li. Sinon tout dimoune même ena tendance faire bon, cause bon et déclare bon divant dimoune. Ki tifi pou mal agir divant ene garçon ki fine vine guette li pou marié. Coumsa même ene garçon pou montré tout ceki bon et cachiette tout ceki mauvais quand li pou alle guette kikene pou marié. C’est après mariage ki tout dehors. Ça manière-là li plitot malhonnête. Ça même genre de malhonnêteté ki en vigueur à tout niveau partout.

Défaite totale

Dimoune casse l’ordre Allah Ta’ala pou so l’avantage. Mais Allah Ta’ala so l’ordre pou continué existé quand même personne pas pratique li. Et l’avantage ki fine gagné aussi pas pou reste avec ou pou tout le temps. Ceki pou resté c’est ou désobéissance ki ou fine commette. Désobéissance so résultat c’est punition. Tout ceki ou fine faire, ou fine faire pou mérite punition sans gagne kit bénéfice conséquent. Finalement ou trouve ou avec ene gros fardeau de punition lors ou la tète. Ça même ki appelle défaite totale.

L’intérêt personnel

Ou donne dimoune difficulté acoze ou facilité. Ene l’autre dimoune aussi li capave donne ou difficulté acoze so propre facilité. Et normalement ça même arrivé partout. Bien rare dimoune pense le bien-être de so prochain. Et ça même façon li crée ene quantité problème. Ça manière chakene rode so facilité sans prend compte problème so prochain, li ene l’attitude ki vine apartir l’égoïsme.

Aadil, adaalah, faasiq et fisq

Aadil c’est ene celui ki ena adaalah. Et adaalah c’est ene faculté, ene potentiel ou ene habilité ki faire ene dimoune exécute banne commandements Allah Ta’ala, abstenir de banne kitchose ki Allah Ta’ala fine interdit et ki faire li évite banne comportements et pratiques indignes.

Syndicate content