Akhlaaq-Tasawwuf

Non et Non

« Et pas montré ou tendance envers banne ki fine faire l'injustice sans quoi difé pou enveloppe avec ou...» (V113/S11)

Li facile

Li facile pou faire hajj chaque l'année. Li facile pou faire ene douzaine umrah dans ene ti morceau jours. Li facile pou faire ene khatam Qur'aan tous les jours. Li facile pou lire ene centaine quantité de rakaat tous les jours. Mais ceki difficile et bien difficile même c'est baisse regard quand ene visage attirant passe devant ou. Ça deux « zimposse » ki Allah Ta'ala fine fixé dans nou la tète-là li faire boucou dégât si nou pas conne garde li dans control. Ou conné comié la caze fine cassé acoze ça. Comié le cœur fine brisé.

Naturel et artificiel

Zordi jour dimoune nepli content la simplicité. Pourtant la simplicité li pli facile et pli accessible. Dans ajouté retiré zotte aile complique ene kitchose ki ti simple parceki dimoune content grandiose ki fatigue li et li complique so la vie. Et ça façon-là li complique la vie lezot dimoune aussi. Li adopté ça grandiose-là dans tous banne domaines. Pena kitchose ki reste à l'abri de ça. Coumsa même li pli ena l'attirance pou artificiel ki naturel. A tel point ki so Deen aussi pas fine capave reste à l'écart de so fantaisies et so l'étalage.

Ki faire ene dimoune capave ena riya ?

Ene dimoune mette ene coté ça récompense immense-là ki Allah Ta'ala fine promette-là et li intéressé avec ene l'autre kitchose mondaine, ça li couma dire jette l'or ou diamant pou ramasse roche. Li pas paraite travail ene dimoune ki so l'esprit bon. Li bizin ene dimoune ki pas comprend et conne valeur ceki li pé jetté. Donc ene personne ki ena Riya li bizin être ene imbécile ou bien ene personne ki pena croyance ki bizin ena lors promesse Allah Ta'ala.

Ki veut dire riya ?

Ibaadat nou faire zisse pou faire Allah Ta'ala plaisir. Considéré ene l'autre facteur apart plaisir Allah Ta'ala li à l'encontre de la sincérité. C'est ça même ki nou appelle li Riya. Dans langage simple, Riya signifié faire ibaadat pou banne l'avantages personnel et bénéfices mondaine. Dans langage pli simple nou appelle li faire ibaadat pou lizié dimoune. Parfois dimoune-là li faire li pou gagne grandeur, l'honneur et valeur dans lizié dimoune. Et parfois li faire li pou passe pou bon et pou tire l'avantage avec banne dimoune.

Mensonge

Mensonge signifié cause ene causé ki ou conné li pas couma ou pé dire. Ou conné ki ou camarade pas fine faire ene kitchose. Mais ou persisté avec connaissance ki li fine faire. Alors ça appelle mensonge et celui ki commette ça action-là appelle li menteur. Dans Qour'aan-e-Kareem Allah Ta'ala dire :

« Malédiction Allah lors banne menteurs ».

Batté rendé

Si ou batte kikene, ou aussi ou pou gagne batté. Ça batté ki ou gagné-là, nou conne li par batté rendé. Ça même c’est la règle naturel. Amoins si ou ena ene justification valable pou ceki ou fine faire. Dans ça cas-là, ou fine décharge ou responsabilité par mesure ki ou fine prend. En retour ceki ou gagné c’est ene récompense. Sinon nou ena ene conséquence à subir pou ceki nou fine faire. Narien pas passe inaperçu pou Allah Ta’ala. Ou batte kikene. Ou maltraite kikene. Ou ignore kikene. Ou sous estime kikene.

Syndicate content