Ki faire ene dimoune capave ena riya ?

Ene dimoune mette ene coté ça récompense immense-là ki Allah Ta'ala fine promette-là et li intéressé avec ene l'autre kitchose mondaine, ça li couma dire jette l'or ou diamant pou ramasse roche. Li pas paraite travail ene dimoune ki so l'esprit bon. Li bizin ene dimoune ki pas comprend et conne valeur ceki li pé jetté. Donc ene personne ki ena Riya li bizin être ene imbécile ou bien ene personne ki pena croyance ki bizin ena lors promesse Allah Ta'ala. Li manque ça Yaqeen (conviction ferme) ki bizin ena lors banne récompense ki Allah Ta'ala fine promette pou chaque action.

Quant à banne ki vraiment Deendaar, jamais zotte pou disposé prend ene échange kitchose matériel ou mondaine pou ene ibaadat ki zotte fine faire. Zotte conscient et confiant et croire sincèrement et fermement ki récompense Allah Ta'ala li incomparable. Ene-ene tasbeeh so valeur li dépasse dounia et ceki dounia contenir. Li capave paraite exagéré pou banne ki pas conné mais li ene fait et ene réalité indéniable pou banne imaandaar.

[Extrait de Al Jamiat Vol.7 No.12]