Akhlaaq-Tasawwuf

Garde ou dignité

Ene kitchose ki boucou parmi nou na pas conné ou bien na pas oulé comprend ki la vrai dignité c'est la dignité ki Allah Ta'ala donné. Quand Allah Ta'ala dénigré kiken, perna personne ki capave donne li valeur.

Ene l'autre kitchose ki boucou parmi nou capave pas conné ki nou dignité trouve dans garde dignité et l'honneur nou prochain. Si nou pense pou prend l'honneur nou camarade c'est couma dire nou pé coupe sa branche ki nou pé assizé lor la. C'est ene façon pou alle dénigrer nou même plutard.

Pas laisse le temps perdi

Le temps c'est nou la vie. Quand le temps perdi c'est absolument la vie ki pé perdi. La vie ki nou fine gagné nou pas pou regagne li encore. Au lieu perdi le temps dans banne travail inutile, anous engage li dans banne travail ki pou servi nou dans qabar et dans aakhirat.

"Profite avec la vie avant la mort joine toi." (Boukhari)

[Extrait de Al Jamiat Vol.1 No.1]

Purification de l’ame

Racine de tous banne péchés c'est dureté le coeur. Quand le coeur vine dure, à ce moment-là la personne li vine insouciant et li pas pense Allah Ta'ala. Sa donne l'occasion à banne caractère indésirable prend place dans l'intérieur ki de temps à autre attire la personne vers la bestialité.

Syndicate content