Akhlaaq-Tasawwuf

Les Mashaaikh et ‘amal-e-swaalih

La source de tous banne péchés c’est la dureté le cœur parce ki la dureté le coeur faire oublié Allah Ta’ala et li developpe banne caractère de la bassesse qui à son tour provoque l’animosité.

Rassouloullaah ‎(Sallallaahou A'laihi Wasallam)‎ fine dire :

“… Certainement ena ene morceau la viande dans le corps humain qui si ça dressé, entier le corps dressé et si ça gatté, entier le corps gatté. Attention ça morceau-là c’est le coeur.” (Boukhari)

Vrai confort

Le coeur maman:-

Le coeur ene maman li couma dire ene la mer ki pas vine sale avec impureté. Au contraire li purifier tout ceki rente endans li. Ene z'enfant capave mal agir avec so maman mais le coeur ça maman-là li toujours assez large couma la mer pou blié tout ceki so z'enfant fine faire li et li prêt pou accueillir li à bras ouvert couma dire narien pas fine arriver.

L’echec

Ou pé donne ou le temps ou l'énergie ou richesse et ou pleine jeunesse derrière ene cadavre. Oui derrière ene cadavre ki impuissant - ki pas conne so propre sort et ki demain ou bien après demain pou immigré dans la grande famille de la terre en bas la terre.

Mone tanne dire…

Dans l'epoque de Caliphat Abbaside ti ena ene grand 'Aalim dans Baghdad ki ti jouir ene grand reputation et ti ena beaucoup estime dans lizié banne dimoune.

Ene fois ene conversation fine deroulé entre li et ene personne.

La personne: "Est-ceki ou conné ki mone tandé lor ou camarade?"

'Aalim: "Mo pou faire ene ti l'examen avec toi: To ena pou repone moi trois question:

1) Eski li vrai ceki to pé dire moi?

2) Ceki to pou dire moi, eski li ene bon kitchose?

3) Eski li pou profitable pou moi?"

Bon maniere

Ene dimoune ki ena Deen dans li, li bizin ena bon manière aussi. Parceki bon manière li pas ene l'autre kitchose apart Deen. Li ene parti dans Deen. Alors vine pretanne ki un tel dimoune dans Deen pena bon manière, li ene fausse prétention. Ena deux kitchoses la-dans. Soit so jugement pas bon ou bien dimoune-là na pena Deen même dans li. Ou bien capave ena ene troisième possibilité. Li capave ena ene conception erronée et difformée de Deen et de bon manière.

La jalousie

Souhaite malheur kikene en ceki concerne ene faveur ou ene bon kitchose ki li possédé appelle la jalousie. Par exemple si kikene so le coeur brûlé quand li trouve kikene dans bien et li souhaite so malheur, alors veut dire ki ça personne-là li jaloux ça personne dans bien-là.

Position la jalousie?

La jalousie li haraam et c'est ene l'attitude indigne ki ene personne adopté vis a vis so prochain. Dans ene hadice Rasouloullah ‎(Sallallaahou A'laihi Wasallam)‎ fine dire:

Ceki ene musulman bizin cachiette

Ene dimoune bizin cachiette défaut so camarade. Li pas permette pou ene musulman en temps ki ene musulman ki li dévoile défaut so prochain. Couma boire la bière, du vin et mange la viande porc li haraam, coumsa même dévoile kikene so défaut aussi li haraam.

Rasouloullah ‎(Sallallaahou A'laihi Wasallam)‎ fine dire: "...Celui ki cachiette (défaut) ene musulman, Allah Ta’ala pou cachiette so défaut dans ça monde-là et dans Aakhirat."

Syndicate content