Akhlaaq-Tasawwuf

Preserve la langue

"La langue perna le z'os." Souvent nous tanne dimoune dire ça. Ça signifié ki li batté couma li gagné. Ena fois li cause bon causé et ena fois li cause causé inutile ou bien ene causé ki alle faire so malheur.

Acoze ça Shariah fine mette boucou l'emphase lors préserve la langue.

Rasouloullah ‎(Sallallaahou A'laihi Wasallam)‎ fine dire:

Pli gros imbecile

Jamais ene ki ena l'intelligence capave être ene faiseur d'esprit ou ene vantard. C'est necque ene imbécile même ki ena vantardise. Quand à ene dimoune intelligent, li reste toujours humble et modeste parceki li conne très bien ceki li été et la réalité ki entoure li. Donc pli li vine intelligent, pli li vine humble. Et pli li imbécile, pli li vantard.

[Extrait de Al Jamiat Vol.1 No.12]

Shoukr –remerciement

Jazaakallah pas merci

Quand kikene rende nou ene service et faire nou ene faveur, nou dire li merci. Dire kikene merci c’est ene facon pou remercier li.

Oujoub ou la vanité

Mo conne sanla et l’autre la. Et mo conne mo même. Quand ena pou cause banne bon coté mo ena tendance necque cause mo banne bon coté et pourtant mo conne très bien mo banne défauts aussi. Et quand ena pou cause mo banne camarades, mo regard li porte lors zotte mauvais coté et pourtant mo conne zotte banne bon coté aussi. Et mo sur ki mo conne mo défaut pli bien ki mo conne défaut mo camarade.

La suprématie

La suprématie de l’homme trouve dans so humilité couma so bassesse trouve dans so vantardise. Ene dimoune ki sage et intelligent pas capave être ene vantard. Normalement c’est banne imbéciles même ki ena la folie grandeur et la vantardise. L’humilité ki donne l’homme so vrai dimension c’est ene humilité ki li montré pou le plaisir de so Créateur.

Rasouloullaah ‎(Sallallaahou A'laihi Wasallam)‎ fine dire:

Izzat

Izzat ou bien l'honneur li ene créature pou Allah Ta'ala ki li fine crée couma li fine crée tout kitchose. Li dans la main Allah Ta'ala. C'est li même ki donne izzat à celui ki li oulé.

"… Et To même to donne l'honneur à celui ki to oulé et To même to donne déshonneur à celui ki To oulé…" (S3 V26)

L’honorable

Fréquente banne ki honorable pou faire ou aussi vine l’honorable. Par contre fréquentation avec banne ki indésirable pas capave empêche ene honorable aussi vine indésirable. Tout depanne ki milieu ki ou fréquenté!

"… (Banne personnages pieux) c’est ene groupe ki celui ki fréquente zotte, li pas reste malheureux.” (Boukhari)

[Extrait de Al Jamiat Vol.1 No.11]

Syndicate content